ព័ត៌មានថ្ងៃនេះ អ្នក​សារព័ត៌មាន​​ម្នាក់​ប្តឹងមេ​អាវុធហត្ថខេត្តមណ្ឌល​គិរីពីបទ​បង្ខាំងមនុស្ស​ដោយ​ខុសច្បាប់អាជ្ញាធរមិនទាន់ចាត់វិធានការក្រុមហ៊ុនទេសចរណ៍ដែលចូលចតក្នុងក្រុងសាកលវិទ្យាធិការ IIC ថា លោក ទ្រី ភាព ទទួលបានបណ្ឌិតកិត្តិយសដោយសារគុណសម្បត្តិជួយជាតិម្ចាស់ក្សត្រីយ៍ថៃ សិរិនថន យាងមកទស្សនកិច្ចនៅកម្ពុជា៣ថ្ងៃសប្ដាហ៍ក្រោយចៅក្រមស៊ើបសួរថា​ជនសង្ស័យ​សម្លាប់​សង្សារកាត់កអាចប្រឈមនឹងជាប់គុកមួយជីវិតប្រធានាធិបតីអាមេរិក​រំឭកពីការគោរព​សិទ្ធិមនុស្ស​និងលទ្ធិប្រជាធិបតេយ្យ​ដល់មេដឹកនាំអាស៊ានលោកស្រីអ៊ុងសានស៊ូជីប្រាប់តំណាងរាស្រ្តរបស់លោកស្រីថាត្រូវគិតផលប្រយោជន៍ជាតិជាធំអ្នកជំនាញសេដ្ឋកិច្ច៖ វិនិយោគទុនបរទេសនឹងកើនឡើងនៅភូមាបន្ទាប់ពីការផ្ទេរ​អំណាចបាតុកររាប់រយនាក់តវ៉ា​នៅអាមេរិក​ប្រឆាំងនឹង​លោក ហ៊ុន សែនចៅក្រមស៊ើបអង្កេត​បំបែកសំណុំរឿង​លើជនត្រូវចោទ អ៊ឹម​ ចែម
ថ្ងៃសៅរ៍ ទី27 ឧសភា 2017
អំពីវីអូឌី | ទំនាក់ទំនង

ព័ត៌មានថ្មីបំផុត

ក្រសួង​ប្រៃសណីយ៍ ប្រកាស​ឲ្យ​ប្រព័ន្ធ​ទូរស័​ព្ទ យក​តម្លៃ​ខ​ល​ធម្មតា ដោយ​មិនឲ្យ​មាន​សេវា​តម្លៃបន្ថែម​ទឹកប្រា​ក់ ឬ​ដូរ​លុយ​​

ដោយ៖​ សុទ្ធ គឹមសឿន និងស៊ុន ណារិន​ | ថ្ងៃអង្គារ ទី3 ធ្នូ 2013, 07:45 PM, (31)

​ក្រសួង​ប្រៃសណីយ៍ និង​ទូរគមនាគមន៍ ប្រកាស​ឲ្យ​ក្រុមហ៊ុន​ប្រព័ន្ធ​ទូរស័ព្ទ​ទាំង​អស់ ដែល​កំពុង​ចរាចរណ៍​នៅ​កម្ពុជា បញ្ឈប់​ការផ្តល់​សេវា​តម្លៃបន្ថែម​ទឹកប្រាក់ ឬ​ដូរ​លុយ ដោយ​គិត​តម្លៃ​ច្បាស់លាស់​ជា​នាទី​វិញ​សម្រាប់​ការហៅ​ចេញ​។​

​អ្នក​ប្រើប្រាស់​ប្រព័ន្ធ​ទូរស័ព្ទ MOBITEL កំពុងតែ​រីករាយ​ជាមួយ​សេវា​XG ដែល​អាច​ខ​ល​ទៅ​ប្រព័ន្ធ​ដូចគ្នា បាន​ច្រើន​នាទី​។ ចំណែក​អតិថិជន SMART វិញ កំពុងតែ​រីករាយ​ជាមួយ​សេវា​ដូរ​លុយ ដូចជា​ការដូរ​១​ដុល្លារ យក​១៥​ដុល្លារ សម្រាប់​ការហៅ​ចេញ​។​

​លោក ម៉ៅ ចរិយា ប្រធាន​និយតករ​ទូរគមនាគមន៍​កម្ពុជា ប្រាប់​VOD​នៅ​ថ្ងៃ​អង្គារ​នេះ​ថា ក្រសួង​បាន​ចេញ​សេចក្តីជូនដំណឹង​ដល់​ក្រុមហ៊ុន​ប្រព័ន្ធ​ទូរស័ព្ទ​ទាំង​អស់ កាលពី​ថ្ងៃ​ទី​២៨​ខែវិច្ឆិកា ដោយ​ឲ្យ​ក្រុមហ៊ុន​ទាំងនោះ យក​តម្លៃ​ហៅ​ទូរស័ព្ទ​ចេញ​ក្នុង​មួយ​នាទី​ធម្មតា​វិញ ដើម្បី​ជា​ការគោរព​តាម​បញ្ញត្តិ​របស់​ក្រសួង​ប្រៃសណីយ៍ និង​ទូរគមនាគមន៍ និង​ជា​ការការពារ​ផល​ប្រយោជន៍​របស់​ក្រុមហ៊ុន​។ លោក​បន្តថា ក្រសួង​ចង់​ឲ្យ​យក​ថ្លៃដើម ដើម្បីឲ្យ​ការប្រកួតប្រជែង​ឲ្យមាន​តម្លាភាព មិន​ចង់​ឲ្យ​ក្រុម​ហ៊ុន​ផ្សេង​ទៀត​ដួលរលំ និង​ចង់ឲ្យ​មាន​អ្នកវិនិយោ​គ​លើ​សេវា​នេះ​កាន់តែច្រើន​។ លោក​បញ្ជាក់ថា កាលណា​ក្រុមហ៊ុន​ទាំងនោះ ដួលរលំ នាំ​ឲ្យ​រាជរដ្ឋាភិបាល ខាតបង់​ថវិកា​។

​លោក ម៉ៅ ចរិយា បញ្ជាក់ថា សេចក្តីជូនដំណឹង​របស់​ក្រសួង​ក្នុង​ការឲ្យ​ក្រុមហ៊ុន​ទូរស័ព្ទ​យក​តម្លៃ​ដើម​នេះ នឹងមិន​ប៉ះពាល់​ដល់​ទីផ្សារសេរី​ទេ ព្រោះ​ក្រសួង អនុញ្ញាត​ឲ្យមាន​ការយក​លើស​បន្តិចបន្តួច តែ​កុំ​ឲ្យ​ឆ្ងាយ​ពេក និង​មាន​ប្រ៊ូ​ម៉ូ​សិន​បន្តិចបន្តួច​។

​ទោះជា​យ៉ាងណា នៅ​ថ្ងៃ​អង្គារ​នេះ បុគ្គលិក​ផ្នែក​បម្រើសេវា​នៅ​ក្រុមហ៊ុនទូរស័ព្ទ​ម៉ូប៊ីលថេ​ល​(MOBITEL) និង​ស្មា​ត​(SMART) បាន​បដិសេធ​នឹង​ព័ត៌មាន​ថា ប្រព័ន្ធ​ទូរស័ព្ទ​ខ្លួន នឹង​ផ្តាច់​សេវា​បន្ថែម​ទឹកប្រាក់ ឬ​ដូរ​លុយ ដោយ​នឹង​គិត​តម្លៃ​ច្បាស់លាស់​ជា​នាទី​វិញ​សម្រាប់​ការហៅ​ចេញ​។​

បុគ្គលិក​ក្រុមហ៊ុន​ស្មា​ត បាន​ឆ្លើយ​ឆ្លង​តាម​ការ​សួរ​សំណួរ​ថា បើ​មាន​ព័ត៌មាន​នេះ ក្រុមហ៊ុន​នឹង​ជូនដំណឹង​ទៅ​អ្នកប្រើប្រាស់​តាមរយៈ​សារ​(SMS)​។​សម្រាប់​បុគ្គលិក​ក្រុមហ៊ុន MOBITEL វិញ លើកឡើងថា មិន​មាន​ព័ត៌មាន​នេះ​ទេ ហើយ​នេះ​ជា​ព័ត៌មាន​មិន​ពិត​។​

​អ្នកប្រើប្រាស់​ទូរ​សព្ទ័​ស្មា​តម្នាក់ អាយុ​២៣​ឆ្នាំ លោក ជ័យ សុភ័​ត្រ មានប្រសាសន៍ថា ការបិទ​សេវាកម្ម​ប្រូ​ម៉ូស៊ិន​(promotion) អាច​ប៉ះពាល់​សេដ្ឋកិច្ច​មួយចំនួន​ដូចជា អតិថិជន​ខ្លះ​ចូល​ចិត្ត​និយាយ​ច្រើន តែ​ការ​ចំណូល​ប្រចាំថ្ងៃ​របស់​គាត់​មិនសូវ​ជា​ធូរធារ​។ លោក​បញ្ជាក់ថា​៖«​បើ មាន​កម្មវិធី ប្ដូរ​លុយ ភ្ជាប់​នាទី ឬ​កម្មវិធី​ផ្សេងៗ​ទៀត អាច​កាត់បន្ថយ​លុយ​សម្រាប់​អ្នក​ធ្វើ​ជំនួញ និង​ការទំនាក់ទំនង​រវាង​សាច់ញាតិ មិត្ត​ភ័ក្តិ បងប្អូន គ្រួសារ កាន់តែ​ស្និទ្ធិស្នាល និង​ចំណាយ​ថវិកា​តិច​ក្នុង​ការបញ្ចូល​ទូរ​ស័ព្ទ​»​។លោក​បន្ដថា ប្រសិនបើ​មាន​ការ​ដាក់​បម្រាម​បែបនេះ វា​ខុសពី​និយមន័យ​ទីផ្សា​សេរី គឺ​មាន​ការប្រកួតប្រជែង​ទំនិញ​​ដោយ​សេរី​។​

​កន្លង​ទៅ​ក្រុមហ៊ុន MOBITEL និង​ក្រុមហ៊ុន SMART តែងតែ​ប្រកួតប្រជែង​គ្នា​ក្នុង​ការដាក់​សេវាខ​ល​ហ្វ្រី  ឬ​ខ​ល​បាន​ច្រើន​នាទី ដើម្បី​ទាក់ទាញ​អ្នក​ប្រើប្រាស់​ជា​ពិសេស​យុវជន​។​

​កាលពី​ខែ​មីនា ឆ្នាំ​២០១៣ និយតករ​ទូរគមនាគមន៍​កម្ពុជា​របស់​ក្រសួង​ប្រៃសណីយ៍ និង​ទូរគមនាគមន៍ បាន​ព្រមាន​ក្រុមហ៊ុន​ទូរស័ព្ទ​ចល័ត ប៊ី​ឡាញ និង ស្មា​ត ពី​ការរំលោភ​ប្រកាស​អន្តរក្រសួង​ក្នុង​ការផ្សព្វផ្សាយ​ផ្ដល់​អត្រា​ការហៅ ទូរស័ព្ទ​ក្នុង​បណ្ដាញ​មិន​យុត្តិធម៌ ដូចជា​២​ដុល្លារ​របស់​ស្មា​ត​មាន​តម្លៃ​ហៅ​ចេញ​៣០​ដុល្លារ និង​២​ដុល្លារ របស់​ប៊ី​ឡាញ​មានតម្លៃ​៥០​ដុល្លារ​។​ក្រសួង​ប្រៃសណីយ៍ បាន​កំណត់​ថា ថ្លៃ​សេវា​អប្បបរមា​នៃ​ការហៅ ទូរស័ព្ទ​ក្នុង​ប្រព័ន្ធ មាន​អត្រា​៤,៥​សេន​ក្នុង​មួយ​នាទី​៕

​សូម​សរសេរ​មកកាន់ លោក សុទ្ធ គឹម​សឿន តាមរយៈ keomsoeunsoth@gmail.com


Tags: តម្លៃទូរស័ព្ទ - ប្រព័ន្ធទូរស័ព្ទ

19794

សំអូន | ថ្ងៃអង្គារ ទី3 ធ្នូ 2013, 08:33 PM

ខ្ញុំមិនយល់ តើលោកគ្មានគំនិតល្អៗ ដើម្បីរកទីផ្សារទេរឺ លោកពូកែរករឿងគេ ? អត់ណាស់ ហាស់ហា ៗៗៗៗៗ
ខ្ញុំមិនយល់ តើលោកគ្មានគំនិតល្អៗ ដើម្បីរកទីផ្សារទេរឺ លោកពូកែរករឿងគេ ? អត់ណាស់ ហាស់ហា ៗៗៗៗៗ

serey seng | ថ្ងៃអង្គារ ទី3 ធ្នូ 2013, 09:50 PM

ខ្ញុំគិតថាបើក្រសួងធ្វើដូចនេះវាពិតជា ប៉ះពាល់ដល់អតិថិជនខ្លាំងណា។ព្រោះបើយកតំលៃតាមធម្មតា តើអ្នកប្រើឯណាមានលុយបញ្ចូល។ហើយត្រងថាចង់អោយមានយុត្ដិធម៏សម្រាប់ក្រុមហ៊ុនដទៃវាមិនត្រូវទេ ព្រោះការរកស៊ីវាស្ថិតទៅការប្រកួតប្រជែង និងការប្រើខូរក្បាល ជាពិសេសអាស្រ័យទៅលើ គុណភាព។ ហើយមួយវិញទៀតប្រទេស កម្ពុជាកំពុងតែក្រីក្រក្នុងការខ្វះខាតថវិកាក្នុងគ្រួសារ។ប៉ុន្តែនៅក្នុងសេក្ដីបញ្ជាក់របស់ ក្រសួងប្រីសណ៏យ ថាបើក្រុមណាមានទុនតិចអាចដួលរលំ និងប៉ះពាល់ដល់សេដ្ធកិច្ចជាតិ ប៉ុន្ដែខ្ញុំគិតថាវាគ្រាន់ជាលេសបស់ក្រសួងទេ។ការបញ្ចុះតំលៃសេវ៉ាទូរសព្ទ វាពិតជាជួយកាត់បន្ថយយ៉ាងច្រើនដល់អតិថិជន។ ហើយវាខុសស្រលះក្នុងកាលើកឡើងរបស់ក្រសួង ដែលថាប៉ះពាល់ដល់ថវិកាជាតិ។សុំអគុណ

Anonymous | ថ្ងៃអង្គារ ទី3 ធ្នូ 2013, 10:19 PM

Sa'ey ke? ក្រសួង​ប្រៃសណីយ៍ Klach Metfone (Vietnam's Company) neng closeman? Ban chea ort oy Smart and Cellcard mean free call neng?

vises | ថ្ងៃអង្គារ ទី3 ធ្នូ 2013, 10:43 PM

ដោយហតុថា ចំណាយច្រើន តែនិយាយបានតិច ដូច្នេះ អ្វីដែលក្រសួងលើកឡើង គឺដើម្បីតែប្រយោជន៍ក្រុមហ៊ុន និងមន្ត្រីពុករលួយប៉ុណ្ណោះ មិនមែនដើម្បីប្រយោជន៍ប្រជាជន ឬសេដ្ឋកិច្ចជាតិឡើយ។

heng sokhom | ថ្ងៃអង្គារ ទី3 ធ្នូ 2013, 10:44 PM

ខ្ញុំមិនយល់ តើលោកគ្មានគំនិតល្អៗ ដើម្បីរកទីផ្សារទេរឺ លោកពូកែរករឿងគេ ?ក្រសួងធ្វើដូចនេះវាពិតជា ប៉ះពាល់ដល់អតិថិជនខ្លាំងណា។ ហើយវាខុសស្រលះក្នុងកាលើកឡើងរបស់ក្រសួង ដែលថាប៉ះពាល់ដល់ថវិកាជាតិ។

Lin | ថ្ងៃពុធ ទី4 ធ្នូ 2013, 02:34 AM

ក្រសួងនិយាយថាគិតដល់ក្រុមហ៊ុនខ្លាចដួលរលំ តែអត់មានគិតដល់អ្នកប្រើប្រាស់ដែរសោះ។

Khmer Idea | ថ្ងៃពុធ ទី4 ធ្នូ 2013, 07:54 AM

មិនដឺងថាហេតុអ្វីបានជាក្រសួងចេះតែនាំការលំបាកដល់ប្រជាជនកម្ពុជាដូច្នេះទេ ប្រទេសគេក្រីក្រគេខិតខំធ្វើយ៉ាងណាអោយមានភាពងាយស្រួលដល់ប្រជាពលរដ្ឋ ជួយសំរួលដល់ជីវភាពប្រជាពលរដ្ឋ តែក្រសួងខ្មែរយកលេសថាធ្វើអោយមានទីផ្សារសេរី តើក្រសួងយល់ពីអត្តន័យពាក្យទីផ្សារសេរីទេ?ប្រសិនបើគាត់មិនបានដឹងអ្វីសោះពីន័យនៃពាក្យនេះខ្ញុំសូបប្រាប់គាត់តិចចុះព្រោះខ្ញុំដឹងតិចតួចដែរ ពាក្យទីផ្សារសេរីមានន័យថា រាល់ក្រុមហ៊ុនដែលប្រកួតប្រជែងទាំងអស់អាចបញ្ចុះតំលៃ តំឡើងតំលៃដើម្បីធ្វើការប្រកួតប្រជែងជាមួយដៃគូរក្នុងការរកប្រាក់ចំនូលបាន ដោយគ្មានលក្ខ័ណ្ឌ។​

Dara | ថ្ងៃពុធ ទី4 ធ្នូ 2013, 07:56 AM

ធ្វើដូចនេះដើម្បីឥ្យរាស្ត្រងាប់មុនរដ្ឋ គ្មាននរណាល្ងង់ជាងអ្នកដឹកនាំប្រទេសកម្ពុជាទេ!

tovin | ថ្ងៃពុធ ទី4 ធ្នូ 2013, 08:17 AM

នេះពិតជាកំណែទម្រង់ ស៊ីជម្រៅដល់សិលាមែន ។ រកវិធីស៊ីជម្រៅ.....ទាលតែធ្វើបែបនេះហើយ​ហាហា!! តាមពិតអ្នកទាំងនេះធ្វើឲ្យតែខ្មែរបែកបាក់គ្នា សង្គមគ្មានសន្ដិសុខ ប្រទេសគ្មានការរីកចម្រើន​ តែប៉ុននោះ

Talarng | ថ្ងៃពុធ ទី4 ធ្នូ 2013, 08:31 AM

អត់មានគិតដល់ជីវភាពប្រជាពលរដ្ឋខ្លួនឯងសោះ គិតរឿងខ្លាចក្រុមហ៊ុនដួលរលំ រដ្ឋបាត់បងចំណូល។ និយាយឲ្យខ្លីទៅគឺជាន់ករាស្រ្ដខ្លួនឯងដែលជាម្ចាស់សន្លឹកឆ្នោតទៅវិញ ពិតជាធ្វើគុណបានទោសមែន ឃើញលទ្ធផលជាក់ស្ដែងក្រោយការបោះឆ្នោតដូច្នេះទើបស្រក់ទឹកភ្នែក។ រដ្ឋបានសំណូកពីក្រុមហ៊ុនស៊កប៉ាន់ប៉ប៉ុណ្ណាដែរទៅ (ជាពិសេសក្រុមហ៊ុន Metfone) ទើបហ៊ានធ្វើអញ្ចឹង?

narin | ថ្ងៃពុធ ទី4 ធ្នូ 2013, 09:23 AM

កំណែទម្រង់ស៊ីជ្រៅរបស់រដ្ឋាភិបាល ប្តូរទៅប្រើ Icom and ID វិញហើយទើបល្អ អួតថាជាទីផ្សារសេរីទៀត ខ្មាស់គេណាស់ប្រទេសខ្ញុំ។ សូមផ្ញើសារនេះទៅជូនមន្រ្តីឡើងថ្មី...

Siem Reap | ថ្ងៃពុធ ទី4 ធ្នូ 2013, 09:36 AM

Before the national election, TRC announced to do that one already but 3-4days later, the Government immediately order to cancel it.

Now, after the national election, TRC is trying to do it again. We hope to see the Government taking action once again as well.

If the Government does nothing to this announcement, it fully understand what Government or the CPP need just the power only. After get all Power in hand, this is the result to all Cambodian voters. This the real and deeply change that they proclaim during the 5th Government form ???

I am so sad, as one of the voters to form the new Government !

Mr. Sopheak | ថ្ងៃពុធ ទី4 ធ្នូ 2013, 10:32 AM

សូមសួរដូចម្តេចដែលហៅថាប្រព័ន្ឋទីផ្សារសេរី? ពេលប្រជាពលរដ្ឋប្រមូលផលបានតែឈ្មួញកណ្តាលឲ្យតម្លៃថោក បែជាថាយើងគ្មានជំរើសទេដោយសារតែប្រទេសរបស់យើងប្រកាន់របបទីផ្សារសេរី ឥឡូវមានក្រុមហ៊ុនបញ្ចុះតម្លៃដើម្បីកាត់បន្ថយថ្លៃរបស់ប្រជាជន បែរជាកំណត់មិនឲ្យមានទៅវិញ? ហេតុអ្វីបានជាប្រជាជនខ្មែរតែងតែជួបរឿងបែបនេះទៅវិញ!​ចុះក្រុមហ៊ុនប្រេងសព្វថ្ងៃមានបានកំណត់ថ្លៃមិនឲ្យឡើងថ្លៃដែរទេ? តាមខ្ញុំគិតគេកំពុងតែឃុបឃិតគ្នាដើម្បីឡើងថ្លៃទៅវិញទេ

Veasna | ថ្ងៃពុធ ទី4 ធ្នូ 2013, 11:00 AM

ក្នុងរបបសេដ្ឋកិច្ចទីផ្សារសេរី រដ្ឋាភិបាលដែលល្អ គឺជារដ្ឋាភិបាលគិតពិផលប្រយោជន៍ប្រជាជន មិនមែនឡប់សតិទៅគិតពីផលប្រយោជន៍ក្រុមហ៊ុននោះទេ។ ក្រុមហ៊ុនគេមានអ្នកគិតពីផលប្រយោជន៍ខ្លួនគេហើយ មិនចាំបាច់ក្រសួងឡប់ទៅជួយគិតគេទេ។ មុនគេរកស៊ីគេដឹងច្បាស់ណាស់ថាត្រូវប្រកួតប្រជែងជាមួយដទៃយ៉ាងមិចនោះ ចេះខាងភ្លើ ធ្វើមិចអោយតែប្រជាជនខ្មែរខាត។

chhengchhiv | ថ្ងៃពុធ ទី4 ធ្នូ 2013, 11:45 AM

ការកំណត់របស់ក្រសួងដើមី្បកំណត់តាមគោលការណ៏ច្បាប់ គឺល្អ ប៉ុន្តែតំលែ ៤,៥០ សេន/នាទី/ប្រពន្ធ័ គឺថ្លៃណាស់សម្រាប់ប្រជាជនធម្មតា (លើកលែងអ្នកចេញច្បាប់នេះប៉ុណ្ណោះ)។ តើនេះ ជាគោលការណ៏ទីផ្សារសេរី ប្ញ យ៉ាងណា?

YCHR | ថ្ងៃពុធ ទី4 ធ្នូ 2013, 12:05 PM

SAM NAS LOK EY.

ingrin bora | ថ្ងៃពុធ ទី4 ធ្នូ 2013, 12:29 PM

ហេតុអ្វីបានជាមេដឹកកម្ពុជានាំមិនចេះគិតយ៉ាងនេះ ? គ្មានកំណើត

និត សំភ៍ស្ស | ថ្ងៃពុធ ទី4 ធ្នូ 2013, 12:34 PM

សូមអោយលោកមន្ត្រី ក្រសួងប្រៃសនីយ៍ចុះចេញពីតំណែងជាបន្ទាន់ បើមិនរកផលប្រយោជន៍អោយរាស្រ្តទេ កុំបំផ្លាញរាស្រ្ដឯង។ បើគ្មានសមត្ថភាពទេកុំនៅយូរនាំអោយខ្មាសប្រជាពលរដ្ឋខ្លួនឯង រឺក៏ចាំអោយប្រជាពលរដ្ឋបាតុកម្មទើបសមមុខលោក។ល្មមឈប់នាំកំហឹងអោយរាស្រ្ដច្រើនពេក ប្រយ័ត្នបាប។

គំនិតខ្មែរ | ថ្ងៃពុធ ទី4 ធ្នូ 2013, 12:55 PM

ក្រសួងដច្នេះគឺទុឱកាសដើម្បីកែ្រងបានលុយក្រោមតុខ្លះគ្រាន់ចែកគ្នាចាយលេង

វិចិត្រ | ថ្ងៃពុធ ទី4 ធ្នូ 2013, 12:55 PM

តាមតែក្បាលចិត្តអស់លោកមានអីចង់បន្ថែមទៀតអស់!

ចិន្តា | ថ្ងៃពុធ ទី4 ធ្នូ 2013, 02:27 PM

ហេតុអ្វីក្រសួងនិយាយតែប្រយោជន៍ក្រុមហុ៑នអញ្ចឹង? ហេតុអ្វីមិននិយាយផលចំណេញដល់រាស្រផង? កាត់ពន្ធរបស់ខ្ញុំរាល់ខែ យកទៅណា​ ម្តេចមិនគិតគូដល់ខ្ញុំផង?​

ចិន្នា | ថ្ងៃពុធ ទី4 ធ្នូ 2013, 02:33 PM

ច្របាច់ករាស្រហើយលោក៕

គិនិត | ថ្ងៃពុធ ទី4 ធ្នូ 2013, 03:04 PM

ខ្ញុំគិតថាការធ្វើបែបនេះវាជាការប្រសើរខ្លាំងណាល់សម្រាប់អ្នកដែលមានការវិនិយោគ និងមន្រ្តីដែលមានការពាក់ពន្ធ័នឹងការប្រកួតប្រជែងនេះព្រោះតែពួកតគេទទួលបានអត្ថប្រយោជន៍អំពីរឿងទាំងនេះ ស្ថិតក្នុងមធ្យោបាយពុករលួយផ្សេងៗតាមទម្លាប់របស់ពួកគេ ។ មួយវិញទៀត ការសម្រេចចិត្តរបស់ពួកគេស្ថិតទៅលើការទទួលបានផលប្រយោជន៍ផ្ទាល់ខ្លួនប្រៀបបាននឹង‌ សត្វចចកកាត់ក្តីឲ្យសត្វភេ និងខ្លាត្រី ។ ពិសេសជាងនេះទៅទៀត យុជន​និងប្រជាជនយើងបានផ្លាស់ប្តួរទស្សនៈខុសពីទស្សនៈរបស់លោកសូក្រាតដែលបាននិយាយថា ធម្មជាតិបានបង្កើតអ្នកឲ្យមានត្រជៀកពីរ ភ្នែកពីរ មាត់មួយ មានន័យថាឲ្យមើលច្រើន​​ជាងនិយាយ ឲ្យស្តាប់ស្តាប់ច្រើនជាងនិយាយដែរ ដែលប្រជាជនយើងបច្ចុប្បន្នគិតផ្ទុយពីលោក ព្រោះអ្នកធំបច្ចុប្បន្ន ច្រើនពាក់ក្បាលជាហង្ស ខ្លួនជាសេះ និងបេះដូងបញ្ញើក្អែក ។។។។។។។។

u | ថ្ងៃពុធ ទី4 ធ្នូ 2013, 03:35 PM

Try to kill khmer people again, regarding this net work, how come! , People in Cambodia are very poor, Best mobile now is, Smart Company, they make biz, they care about the benefit of the people in Cambodia, they do not have much money to buy credit . (Call) , Smart should keep your promise with your promotion to your costumer , other while you will lost , and Mobitel more than happy to kick you out!!! Smart , come on , you have to strong!! Care your costumer!!!

ឆៃយ៉ា | ថ្ងៃពុធ ទី4 ធ្នូ 2013, 03:56 PM

បើក្រសួងស្រុកខ្មែរ ចេះគិតគូរខ្លាចប៉ះពាល់នេះ ប៉ះពាល់នោះ
ចុះហេត្វអី មិនទៅគិតគូរដល់កសិករខ្មែរផងទៅ? កំណត់តំលៃ
កសិផលពួកគាត់ អោយពួកគាត់ធ្វើកសិកម្មដោយក្តីសង្ឃឹមផង
ក្រសួងយ៉ាប់ៗៗៗៗៗៗៗៗៗៗៗៗៗៗៗៗៗៗៗៗៗៗៗៗៗៗៗៗ

sok kea | ថ្ងៃពុធ ទី4 ធ្នូ 2013, 05:40 PM

ប្រសិនបើជាបែបនេះមែនគឺខ្ញុំគ្មានលទ្ធភាពក្នុងការប្រើប្រាស់ប្រព័ន្ធសេវាទូរសព្ទ័ទេ។ ពីព្រោះខ្ញុំជានិសិត្សកូនកសិករមកពីតាមជនបទហើយប្រសិនបើខ្ញុំចង់ស្រាវជ្រាវរកឯកសារដែលពាក់ព័ន្ធនិងការសិក្សាតាមប្រពន្ធ័អិនធើនេតនោះគឺខ្ញុំត្រូវចំណាយថិការច្រើន។ ហើយក៏ពិបាកក្នុងការទាក់ទងសូរសុខទុក្ខជាមួយនិងក្រុមគ្រួសាររឺក៏បញ្ហាផ្សេងៗទៀត។ ហើយខ្ញុំគិតថាការស្រាវជ្រាវតាមអិនធើនេតនេះវាក៏ជាផ្នែកមួយដ៏សំខាន់សំរាប់និសិត្សរឺក៏អ្នកជំនួញមួយចំនួន។ ប្រសិនបើមានការដាក់អោយប្រពន្ធ័សេវាទូរសព្ទ័គ្នានការបន្ថែមទឹកប្រាក់រឺក៏អ្វីផ្សេងមួយចំនូនទៀតនោះខ្ញុំនិងគិតថាមាននិសិត្សមួយចំនួននិងគ្មានលទ្ធភាពប្រើនិងប្រជាពលរដ្ឌមួយចំនួនផងដែរ។

Phoung Ponny | ថ្ងៃព្រហស្បតិ៍ ទី5 ធ្នូ 2013, 11:54 AM

ាលោក ម៉ៅ ចរិយា ប្រធាន​និយតករ​ទូរគមនាគមន៍​កម្ពុជា ប្រាប់​VOD​នៅ​ថ្ងៃ​អង្គារ​នេះ​ថា ក្រសួង​បាន​ចេញ​សេចក្តីជូនដំណឹង​ដល់​ក្រុមហ៊ុន​ប្រព័ន្ធ​ទូរស័ព្ទ​ទាំង​អស់ កាលពី​ថ្ងៃ​ទី​២៨​ខែវិច្ឆិកា ដោយ​ឲ្យ​ក្រុមហ៊ុន​ទាំងនោះ យក​តម្លៃ​ហៅ​ទូរស័ព្ទ​ចេញ​ក្នុង​មួយ​នាទី​ធម្មតា​វិញ ដើម្បី​ជា​ការគោរព​តាម​បញ្ញត្តិ​របស់​ក្រសួង​ប្រៃសណីយ៍ និង​ទូរគមនាគមន៍ និង​ជា​ការការពារ​ផល​ប្រយោជន៍​របស់​ក្រុមហ៊ុន​។
គាត់និយាយបែបនេះ បានន័យថា គាត់ការពារផលប្រយោជន៍ អ្នកមាន មិនការពារផលប្រយោជន៏ ប្រជាពលរដ្ឋទេ ! គៀបករាស្រ្ត ! ខ្ញុំសុំមិនគាំទ្រជាដាច់ខាត !!!!!!!!!!!!

ទន្សាយកំសត់ | ថ្ងៃព្រហស្បតិ៍ ទី5 ធ្នូ 2013, 02:11 PM

ក្រសួង​ប្រៃសណីយ៍ និង​ទូរគមនាគមន៍ ប្រកាសបែបនេះគឺមានន័យថាចង់សម្លាប់រាស្រ្ត​ ជាពិសេសគឺអ្នកក្រ ដែលផ្ទុយពីគោលនយោបាយកាត់បន្ថយភាពក្រីក្ររបស់រដ្ឋាភិបាល ឬចង់សម្លាប់អ្នកក្រឲ្យអស់ បានជាធ្វើបែបនេះព្រោះឥឡូវពន្ធ័ក៏ឡើងថ្លៃ ឥវ៉ាន់ឡើងថ្លៃ មិនយូទេគង់តែអ្នកក្រងាប់អស់ទេ......................។

SOK Chea | ថ្ងៃព្រហស្បតិ៍ ទី5 ធ្នូ 2013, 08:59 PM

Doch chea min yul sos tha taeu Rothaphibal kit kou pi Kromhun, pi procheapolroth, reu kit kou pi phol proyaoch puk rolouy robors Khloun?

Maline | ថ្ងៃពុធ ទី11 ធ្នូ 2013, 01:17 PM

The Ministry worry about the bankrupt of one cellular services provider which have brought a huge benefit for his leader NOT because of free market and free competition. Our people are still poor and they earn less, so if the providers offer them a free bonus call to their family is a brilliant. The Ministry should think the benefit for the poor, if not, then one day will be in trouble.

Minister, please limit the price of gasoline and other consumption goods in the market as well. the price of gasoline is very importance to the poor people in the country.

Minister of Economy and Finance, please think on how to collect income taxes from those Oknhas who have not paid tax on their huge properties and/or their huge and luxury residents in the capitals. So far as I personally understand is very rare those Oknhas pay tax on properties to the government.

I don't think the number of those Oknha is less then the number of poor people in the country.

Good luck.

Medo | ថ្ងៃព្រហស្បតិ៍ ទី20 វិច្ឆិកា 2014, 03:22 PM

What a joy to find such clear thknniig. Thanks for posting!



ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
អ្នក​សារព័ត៌មាន​​ម្នាក់​ប្តឹងមេ​អាវុធហត្ថខេត្តមណ្ឌល​គិរីពីបទ​បង្ខាំងមនុស្ស​ដោយ​ខុសច្បាប់

ថ្ងៃទី16 កុម្ភៈ 2016, 03:49 PM

អ្នក​សារព័ត៌មាន​របស់​ទូរទស្សន៍​ក្នុង​ស្រុកមួយ​ប្រ​ចាំខេត្ត​មណ្ឌលគិរី តាម​រយៈមេធាវី​របស់​ខ្លួនបាន​ដាក់ពាក្យ​ប្តឹង​មេបញ្ជាការកងរាជអាវុធហត្ថខេត្ត​នេះ ដោយ​ចោទពី​បទ​បង្ខាំងមនុស្សដោយ​ខុស​ច្បាប់និងគំរាម​កំហែង។ កាលពី​ថ្ងៃទី១១ ខែកុម្ភៈ លោក វ៉ាន់ ទិត្យ អ្នកសារព័ត៌មានរបស់​ទូរទស្សន៍​ប៉ុស្តិ៍លេខ៩ ប្រ​ចាំ​ខេត្តមណ្ឌល​គិរីត្រូវមន្ត្រី​កងរាជអាវុធនាំខ្លួនយកទៅសាកសួរពីករណីផ្សាយព័ត៌មានថាមេបញ្ជាការកងរាជអាវុធហត្ថខេត្តលោក សាក់ សារ៉ាង ប្រព្រឹត្តបទល្មើសព្រៃឈើ តែត្រូវដោះលែងវិញក្រោយការសាកសួរអស់រយៈពេល​ប្រមាណ​១ម៉ោង។ បន្ទាប់ពី​មាន​ករណី​នេះ នៅ​ថ្ងៃទី​១៥ ខែ​កុម្ភៈ តាមរយៈមេ​ធាវី​របស់​ខ្លួន លោក វ៉ាន់ ទិត្យ​ បាន​ដាក់ពាក្យ​បណ្តឹងទៅ​កាន់​សាលាដំបូង​ខេត្ត​មណ្ឌលគិរីនិង​កងរាជអាវុធហត្ថ​លើ​ផ្ទៃ​ប្រ​ទេសដើម្បី​រក​យុត្តិ​ធម៌។ លោក​ចាត់ទុក​ការ​ឃាត់​ខ្លួន​របស់​លោកកាលពី​ថ្ងៃទី​១១ ខែ​កុម្ភៈ ថាជា​ការ​រំលោភ​សិទ្ធិ​របស់​លោកនិង​បំពាន​ច្បាប់។ លោក វ៉ាន់ ទិត្យ ប្រាប់វីអូឌីថា៖ “ខ្ញុំ​អត់មាន​ទាម​ទារអីទេ​ទាម​ទាររក​យុត្តិធម៌...គាត់​បំពាន​ច្បាប់យក​ទៅ​សួរនាំ​អីអ៊ីចឹង​វាអត់​ត្រូវ​ច្បាប់...ខ្ញុំ​យល់​ថា​គាត់​ធ្វើហ្នឹង​វាខុសហ្នឹង​ច្បាប់ បើ​និយាយច្បាប់​ថា​អ្នក​សារព័ត៌មាន​ផ្សាយ​ខុសផ្សាយអីអ៊ីចឹងនគរបាល​យុត្តិធម៌មាន​សិទ្ធិហៅ​ទៅ​សួរនាំ​អីអ៊ីចឹង"។ មេធាវី​របស់​លោក វ៉ាន់ ទិត្យ គឺលោក កែវ ទី ប្រាប់​វីអូឌី(VOD)នៅ​រសៀលនេះថាក្នុងពាក្យបណ្តឹងនោះ​កូន​ក្តី​របស់លោក​ប្តឹងមេបញ្ជាការ​កងរាជអាវុធហត្ថខេត្តមណ្ឌលគិរីពីបទ“ប៉ះពាល់​សេរីភាព​បុគ្គល បង្ខាំងមនុស្ស​​ដោយ​ខុស​ច្បាប់និង​គំរាម​កំហែង”។ លោក​ថាបើ​តាម​អង្គហេតុ​ដែល​កូន​ក្តី​របស់​លោក​បាន​រៀប​រាប់​ប្រាប់​លោកឲ្យ​ដឹងថាការឃាត់​ខ្លួន​កូន​ក្តី​លោកនេះ​មិនមាន​ដីកាពីតុលាការ ដែល​លោក​ចាត់ទុក​ការ​ចាប់​ខ្លួន​នេះ​ធ្វើ​ឡើង​ដោយ​ខុស​នីតិវិធី។ លោក​បន្ថែម​ថា៖ “ហើយ​មួយ​ទៀត​វាអត់មាន​ដីកាពី​តុលាការ(ឥឡូវ)​ខ្ញុំ​ចាប់​ខ្លួន​អ្នក​ឯង​តុលាការចោទ​អ្នក​ឯងពីបទអញ្ចេះ អ្នក​ឯងពាក់ព័ន្ធពីបទល្មើសអញ្ចេះៗយើង​ត្រូវ​ប្រាប់ពី​សិទ្ធិរបស់គេ ពីបទល្មើស​ដែល​ត្រូវ​ចោទប្រកាន់និងចាប់ខ្លួនគេ តែ​នេះ​អត់សោះ នាំគ្នារុញឡើងឡានតែម្តង ដូច​អង្គហេតុ​ដែលបាន​រៀបរាប់អ៊ីចឹង”។ អ្នកសម្របសម្រួលសិទ្ធិមនុស្សរបស់អង្គការអាដហុកប្រចាំខេត្តមណ្ឌលគិរីលោក សុក រដ្ឋា ​ជំរុញ​ឲ្យ​សមត្ថកិច្ច​ពាក់ព័ន្ធ​ស៊ើប​អង្កេត​ករណី​នេះ​ឲ្យបានច្បាស់លាស់រវាង​អ្នក​ផ្សព្វផ្សាយព័ត៌មាននិង​អ្នក​ចាប់​ខ្លួន​គេទៅ​សួរនាំ ដែល​លោក​ថា​ដើម្បី​រក​ឃើញ​ថា​ភាគី​ណាមួយ​មាន​កំហុស។ វីអូឌី(VOD)មិន​ទាន់អាចសុំ​ការ​ឆ្លើយ​តប​ពី​មេបញ្ជាការ​កងរាជអាវុធហត្ថខេត្ត​មណ្ឌលគិរីលោក សាក់ សារ៉ាង បាន​នៅឡើយនៅ​រសៀល​នេះពាក់​ព័ន្ធ​នឹង​ពាក្យ​បណ្តឹងនេះ។   អ្នក​នាំពាក្យ​កងរាជអាវុធហត្ថ​លើ​ផ្ទៃប្រ​ទេស​លោក អេង ហ៊ី ឲ្យ​ដឹងថា​រហូតមកនដល់ពេលនេះ​លោក​មិន​ទាន់បានទទួលពាក្យ​បណ្តឹងរបស់​លោក​ វ៉ាន់ ទិត្យ​ នៅឡើយទេ។ ទោះយ៉ាងណា លោក​ឲ្យ​ដឹងថាមេបញ្ជាការកងរាជអាវុធហត្ថលើ​ផ្ទៃប្រ​ទេសលោក សៅ សុខា បាន​ដឹងពីករណីនេះ​រួចហើយ។ លោក​ឲ្យ​ដឹងទៀថា កងរាជអាវុធហត្ថលើ​ផ្ទៃប្រ​ទេសមាន​ការិយាល័យ​មួយសម្រាប់ស្រាវជ្រាវ​ពី​កំហុស​របស់​មន្ត្រី​កងរាជអាវុធហត្ថ ហើយ​លោក​ថាមន្ត្រី​ណាដែល​​ធ្វើ​ខុស​​វិន័យ​របស់​កងទ័ពនឹង​ត្រូវទទួល​ពិន័យ​ផ្នែករដ្ឋបាល៕​ សូម​សរសេរ​មក​កាន់ លោក ទូច សុខា តាម​រយៈ sokha@vodhotnews.com

អាជ្ញាធរមិនទាន់ចាត់វិធានការក្រុមហ៊ុនទេសចរណ៍ដែលចូលចតក្នុងក្រុង

ថ្ងៃទី16 កុម្ភៈ 2016, 03:24 PM

សាលារាជធានីភ្នំពេញនៅមិនទាន់កំណត់ថ្ងៃចាត់វិធានការទៅលើក្រុមហ៊ុនទេសច​រណ៍ដឹកអ្នក​ដំ​ណើ​រ​ ​នៅ​​​ឡើយទេ បើទោះបីកន្លងទៅស្ថាប័នមួយនេះធ្លាប់ព្រមានថាចាប់​ពីឆ្នាំ​​២០​១៦ទៅ នឹង​លែង​​អ​នុ​ញ្ញា​ត​ឲ្យ​​​​​ម្ចាស់ក្រុមហ៊ុនធំៗយកទីតាំង នៅទីប្រជុំជនក្នុងរាជធានី ​ធ្វើចំ​ណតទៀតក៏ដោយ។ កាលពី​ថ្ងៃ​ទី​២០ ខែសីហាឆ្នាំ២០១៥ អភិបាល​រាជធានី​ភ្នំពេញ លោក ប៉ា សុជាតិ​វង្ស បាន​រំឭក​ដល់​ប្រ​ធាន​​ក្រុមហ៊ុន​ដឹក​អ្នកដំណើរនិងម្ចាស់​រថយន្ត​ដឹកទំនិញ​ធំៗថាចាប់ពីឆ្នាំ​២០១៦​ទៅ សាលា​រាជ​ធា​នីនឹង​មិន​​អនុញ្ញាត​ឲ្យ​ក្រុមហ៊ុន​ទាំងនោះ​យក​ទីតាំង​ណាមួយ​ក្នុងរាជ​ធានី​ភំ​ពេញធ្វើជា​កន្លែង​ចត​រថ​យន្ត​ទៀត​ទេ ដោយ​អភិបាលរូបនោះថាវិធានការ​នោះ​ដើម្បី​កាត់បន្ថយ​ការកកស្ទះនិង​ទប់ស្កាត់​គ្រោះ​​ថ្នាក់​​ចរាចរណ៍​​ផ្សេ​ងៗ​ដល់​អ្នកធ្វើដំណើរ​។​ អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ ឲ្យVODដឹងនៅថ្ងៃទី១៦ខែកុម្ភៈឆ្នាំ២០១៦នេះថា ផែនការនេះមិនអាចអនុវត្តបានភ្លាមៗទេ។ ប៉ុន្តែលោ​ក​​ថា​​ពេលនេះ មន្ត្រីជំនាញកំពុងសិក្សា រកទីតាំង​សមរម្យ​ណាមួយសម្រា​ប់ក្រុម​ហ៊ុ​ន​ទាំ​ង​នោះចូលចត។ លោកថា៖បើយើងហាមគេ មិនឲ្យចូលក្រុង តើយើងមានចំណតឲ្យគេនៅក្រៅក្រុងឬអត់? ប្រធាន​សមាគមរថយន្ត​ក្រុង​ដឹក​អ្នកដំណើរនិង​ជា​ប្រធាន​ក្រុមហ៊ុនទេសចរណ៍​ភ្នំពេញ​សូរិយា​ដែល​មាន​ទីតាំង​ជិតផ្សារធំថ្មី លោក ឆឹម ចាន់ណា អះអាងថាលោកមិនដឹងពីការព​ន្យា​រពេ​លល​នេះទេ។ ប៉ុន្តែ​លោ​កថា កន្លងទៅភាគីក្រុម​ហ៊ុន ធ្លាប់ស្នើឲ្យសាលាក្រុងរកទីតាំងថ្មីដែលប្រល្អប្រសើរជាងបច្ចប្បន្ន​នេះ​។ លោកថា៖មកដល់ម៉ោងនេះ សមាគមខ្ញុំនឹងអត់ទាន់​ទទួ​លបាន​ព័ត៌មានពីសាលាក្រុងនៅ​ឡើយ​ទេ។ ប៉ុន្តែខាងខ្ញុំធ្លាប់ស្នើសុំទៅសាលាក្រុងសុំរកទំតាំងមួយយ៉ាងធំសម្រា​ប់ច​តរ​​ថយន្តហើយចតតែមួយកន្លែ​ង​ទេ​”។ ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាពលោក យង់ គិមអេង អះអាងថាការ​​កក​ស្ទះនៅក្នុងទីក្រុងធ្វើឲ្យប៉ះពាល់អារម្មណ៍អ្នកធ្វើដំណើរ ខាតទាំងពេលវេលា ថវិកានិងប៉ះពាល់​បរិស្ថាន។ ប៉ុន្តែ​លោកបារម្ភថាផែនការរប​ស់សាលារាជធានីភ្នំពេញអាចនឹងបរាជ័យ ដោយលោកអះអាងថាទីតាំង​សំខាន់​ៗមួយចំនួនជិតក្រុ​ងត្រូវបានគេ​ចែកគ្នាលក់ជាប្រយោន៍បុគ្គលអស់ហើយនោះ។ លោកថា៖រឿងសាលាក្រុងនេះ ហាក់ដូចជាអត់មានការសម្រេចចិត្តច្បាស់លាស់ ដោយសារពួកក្រុ​មហ៊ុនឡា​នក្រុង​​នឹងវាជាប់ពាក់ព័ន្ធនឹងផលប្រយោជន៍អ្នកធំៗច្រើន។ បើពីមុនយើងអាចធ្វើបាន ប៉ិនយើង​យកទៅ​​សាងសង់អគារទៅធ្វើផ្ទះល្វែងអស់ កន្លែងដែលយើធ្វើវាគួតែមាន មិនឆ្ងាយពេល​ពីទីប្រជុំ​ជន។ ដល់ឥឡូវនេះ បើយើងចង់ដាក់ទាល់តែនៅព្រែកភ្នៅអីណោះ វាឆ្ងាយបន្តិចដែរ  អញ្ចឹងអាសេវា​ឡានក្រុ​ងហ្នឹ​​ង​អាចអត់​ដើរវិញ​បាទ”។ ​កន្លង​ទៅ​សាលា​រាជធានី​ភ្នំពេញធ្លាប់​បរាជ័យ​ម្តង​ហើយពី​វិធានការ​ទប់ស្កាត់​មិនឲ្យ​រថយន្ត​ដឹក​អ្នកដំ​ណើរ​ចូ​ល​​រាជធានី​ភ្នំពេញ ដើម្បី​កាត់បន្ថយ​ការកកស្ទះ​នេះ ដោយសារ​តែ​ក្រុមហ៊ុន​ដែល​ម៉ៅការ​ចំណតរ​ថ​យន្ត​នៅ​​​ជា​​​យ​ក្រុង​នោះ ប្រើ​កម្លាំង​សន្តិសុខ​រារាំងអ្នកបើកប​រហើយ​បង្ក​ឲ្យមាន​​ហិង្សា​ច្រើនដង ទើប​រដ្ឋាភិ​បាល​ស​ម្រេច​​​ឲ្យ​រថយន្ត​ទាំង​នោះ​បើក​ចូល​រាជធានី​ដូចដើម​វិញ​៕ សរសេរមកកាន់លោក ញឹម សុខន តាមរយៈsokhorn@vodhotnews.com

ម្ចាស់ក្សត្រីយ៍ថៃ សិរិនថន យាងមកទស្សនកិច្ចនៅកម្ពុជា៣ថ្ងៃសប្ដាហ៍ក្រោយ

ថ្ងៃទី16 កុម្ភៈ 2016, 11:07 AM

ក្រសួងការបរទេសឲ្យដឹងថា ព្រះអង្គម្ចាស់ក្សត្រីយ៍ មហាចក្រី សិរិនថន នៃព្រះរាជាណាចក្រថៃនឹងយាងមកបំពេញទស្សនកិច្ចនៅប្រទេសកម្ពុជាចាប់ពីថ្ងៃទី២២ ដល់ថ្ងៃទី២៤ ខែកុម្ភៈ តាមការអញ្ជើញរបស់លោកនាយករដ្ឋមន្ត្រី ហ៊ុន សែន។ សេចក្តីប្រកាសព័ត៌មានរបស់ក្រសួងការបរទេសចុះថ្ងៃទី១៥ ខែកុម្ភៈ ឲ្យដឹងថា នៅក្នុងដំណើរទស្សនកិច្ចនេះ ម្ចាស់ក្សត្រីយ៍ សិរិនថន នឹងយាងទៅបង្គំគាល់ព្រះមហាក្សត្រកម្ពុជា ព្រះបាទសម្តេច ព្រះបរមនាថ នរោត្ភម សីហមុនី និងជួបជាមួយលោកនាយករដ្ឋមន្ត្រី ហ៊ុន សែន។ សេចក្តីប្រកាសព័ត៌មានបន្តថា លោកនាយករដ្ឋមន្ត្រី ហ៊ុន សែន និងម្ចាស់ក្សត្រីយ៍ សិរិនថន នឹងអញ្ជើញ/យាងជាអធិបតីក្នុងព្រះរាជពិធីបញ្ចុះបឋមសិលាសាងសង់វិទ្យាស្ថានបចេ្ចកវិទ្យាកំពង់ស្ពឺ ក្នុងខេត្តកំពង់ស្ពឺង ក្នុងខេត្តកំពង់ស្ពឺ។  សេចក្តីប្រកាសព័ត៌មានដដែលឲ្យដឹងទៀតថា ម្ចាស់ក្សត្រីយ៍នឹងចួលរួមជាអធិបតីជាមួយរដ្ឋមន្តី្រក្រសួងអប់រំ លោក ហង់ ជួនណារ៉ុន ក្នុងពិធីព្រះរាជពិធីប្រគល់អគារប្រើថាមពលព្រះអាទិត្យ និងស្លាកឈ្មោះថ្មីនៅវិទ្យាស្ថានបច្ចេកវិទ្យាកំពង់ឈើទាល ខេត្តកំពង់ធំផងដែរ។ ក្រៅពីនេះ ព្រះអង្គម្ចាស់ក្សត្រីយ៏នឹងយាងទៅចូលរួមក្នុងព្រះរាជពីធីសម្ពោធមណ្ឌលសុខភាពនៅខេត្តរតនៈគីរី និងយាងទតសាលាបឋមសិក្សាមួយចំនួននៅតាមបណ្តាខេត្តនានា៕ សរសេរមកកាន់លោក ហ៊ុន សិរីវឌ្ឍន៍ តាមរយៈ hunsirivadh@gmail.com  

ចៅក្រមស៊ើបសួរថា​ជនសង្ស័យ​សម្លាប់​សង្សារកាត់កអាចប្រឈមនឹងជាប់គុកមួយជីវិត

ថ្ងៃទី16 កុម្ភៈ 2016, 10:59 AM

ចៅក្រមស៊ើបសួរនៃ​តុលាការ​ខត្ដសៀមរាបកាលពីថ្ងៃចន្ទបាន​​សម្រេចឃុំខ្លួនបណ្ដោះ​អាសន្នបុរស​ពីរនាក់នៅពន្ធនាគារ ករណី​ឃាត​កម្ម​កាត់​ក​នារី​ម្នាក់​នៅខេត្តសៀមរាប ដោយ​អះអាង​ថា​បុរសម្នាក់ដែលសារភាពថា​ពិតជា​បានកាត់កសង្សារ​ខ្លួននឹង​អាច​ប្រឈម​នឹងការជាប់ពន្ធនាគារអស់មួយជីវិត។​ កាលពីថ្ងៃទី១២ខែកុម្ភៈឆ្នាំ២០១៦នេះ នារីម្នាក់អាយុ២៤ឆ្នាំ មានទីលំនៅ​ស្រុក​ពួក ខេត្តសៀមរាប​ ត្រូវ​បានប្រទះ​ឃើញ​ស្លាប់​​​ដា​ច់​ក្បាលនៅក្នុងផ្ទះ​សំ​ណាក់​​មួយ​​ក្នុង​ សង្កាត់​ស្វាយដង្គុំ​ក្រុងសៀម​រាប។​ មួយថ្ងៃ​បន្ទាប់​ សមត្ថកិច្ចចាប់​ខ្លួន​ជន​សង្ស័យ​​ម្នាក់​ ខណៈ​​ជនសង្ស័យនោះ​បាន​យកក្បាលសាកសព​នារីរង​គ្រោះទៅ​ដុត​ចោល។ ចៅក្រមស៊ើបសួរនៃសាលាដំបូងខេត្ដសៀមរាប​លោក ឈុន ច័ន្ទសីហា ប្រាប់VODនៅព្រឹកថ្ងៃ​អង្គារ​នេះ​ថា​កាល​ពីល្ងាច​ថ្ងៃ១​៥ខែកុម្ភៈនេះ តុលាការបានសម្រេច​បញ្ជូនបុរសពីរនាក់​ដែលក្នុងនោះម្នាក់​ឈ្មោះ ចាន់ ឆាយ៉ា ​​​ដែលត្រូវសង្ស័យថា​ជា​ឃា​តកកាត់ក ទៅឃុំខ្លួន​នៅពន្ធនាគារ​ ដើម្បី​រង់​​ចាំការស៊ើបអង្កេតបន្ដទៀត​។ លោក​បន្ត​ថា​លោក ចាន់ ឆាយ៉ា​ អាយុ៤០ឆ្នាំ បាន​សារភាព​ថាបាន​កាត់កសង្សារ​ តែ​ថា​នារីនោះ​បានសម្លាប់​រួចទៅហើយដោយ​ចងកនៅក្នុងបន្ទប់ទឹក។​ ចៅក្រមស៊ើបសួររូបនោះ​បាន​បញ្ជាក់​ថា​បើ​សិន​រកឃើញកំហុស ជន​ត្រូវចោទអាច​​ប្រ​ឈមនឹង​​​ជាប់​ទោសអ​ស់មួយជីវិត ​​ពីប​ទ​​ឃា​​តកម្មទុកគិតជាមុន។ លោក​មានប្រសាសន៍ថា៖ “យើង​រក​ភ័ស្តុតាង​ផ្សេងៗ​ទៀត ជនជាប់ចោទនៅឆ្លើយ​មិនទាន់​បង្ហាញច្បាស់​ពីអំពើរបស់ខ្លួន​ នៅមានការលាក់បាំងច្រើន។ ជនជាប់ចោទឈ្មោះឆាយ៉ា ហ្នង​ទទួល​ស្គាល់​​ថា​បាន​កាត់ក្បាល​​សង្សារ​រ​បស់ខ្លួន​ហ្នឹង​មែន តែគ្រាន់​តែគាត់ថាគាត់មិន​បាន​សម្លាប់​ទេ ជាការ​លេបថ្នាំទាំងអស់គ្នា”។ លោក ចាន់ ឆាយ៉ា ដែលជាប់ពាក់ព័ន្ធនឹង​ការសម្លាប់កាត់កសង្សារ បើតាម​ចៅក្រម​ ជនសង្ស័យ​ម្នាក់ទៀត​ ឈ្មោះ ណឹប សិទ្ធ​ បានបឆ្លើយ​បដិសេធ​ថាខ្លួនមិនជាប់ពាក់ព័ន្ធ​នឹង​​ឃាត​កម្មនោះ​ទេ​​ ដោយ​ថា​ខ្លួន​បាន​ទៅ​គេងនៅផ្ទះសំណាក់​ក្រោយពេល​ឃាតកយកសពទៅដាក់​នៅក្រោមគ្រែ​។ យ៉ាងនេះក្ដីចៅក្រម​បាន​បញ្ជាក់​ថា​​បុរសម្នាក់​នោះ​ក៏​អាចមានទោសដូចគ្នា​ បើសិនតុលាការរកឃើញថាការស្នាក់​នៅ​ក្នុ​ងប​ន្ទ​ប់ផ្ទះ​សំណាក់នោះ ចំហ​ទ្វារ​ទុ​កឱ​កាសឲ្យជនជា​ប់ចោទឈ្មោះ ចាន់ ឆាយ៉ា​ ទុកសាកសព។ នាយការិយាល័យនគរបាលព្រហ្មទណ្ឌកម្រិត​ធ្ងន់នៃស្នងការនគរបាលខេត្ដសៀមរាបលោក ដួង សុខា​ ប្រាប់​VODកាលពីថ្ងៃចន្ទថា​ចាន់ ឆាយ៉ា ​បាន​សារភាពថារូបគេបាន​កាត់ក្បាលនារីរងគ្រោះ​យកទៅដុតចោល ប៉ុន្តែ​ថា​ការកា​ត់ក្បាលយនោះ​​ក្រោ​យ​ពេលស្រ្ដីរង​​គ្រោះ​បាន​ចងកស​ម្លាប់ខ្លួនក្នុងបន្ទប់ទឹកផ្ទះសំណាក់។ សមត្ថកិច្ច​បន្តថា​ជន​សង្ស័យ​បាន​​និយា​យ​ថា​ពួកគេ​បានទៅផ្ទះសំ​ណាក់​រួមគ្នា ​ហើយ​ប៉ុន​​ប៉ងសម្លាប់ខ្លួនដោយលេបថ្នាំ​ពុល​។ ទោះ​ជាយ៉ាងណា លោក ដួង សុខា ចាត់​ទុក​ការឆ្លើយសារភាពនេះ​គ្រាន់​តែចង់​ដោះសារឲ្យសមត្ថ​កិច្ច​សម្រាលទោស​ប៉ុណ្ណោះ​។ លោក​បន្ត​​ក្រោយពីកាត់ក្បាលស្ដ្រីរងគ្រោះ ឃាតកបា​ន​យក​សា​ក​​សព​ពី​បន្ទប់​លេខ​២០៩​ប្ដូរទៅបន្ទប់លេខ៣​០១វិ​ញ​​។ ស្នងការរងនគរបាលខេត្ដសៀមរាបទទួលបន្ទុកព្រហ្មទណ្ឌកម្រិតស្រាល លោក ថោង សាគុណ មានប្រសាសន៍ថាតាម​ការ​ស្រា​វជ្រាវជនរងគ្រោះមិនអាចចងកសម្លាប់ខ្លួនឯងបាននោះទេ ដោយ​លោកថា​​នៅលើចុងដង្ហើម​សាកសពមាន​ស្នាម​ជាំ​ ដែល​លោកថាអាចប្រើហិង្សាមុនសម្លាប់នារីនោះ។ លោក​បន្ត​ថា​នៅ​ក្នុង​​បន្ទ​ប់​​​​ទឹកគ្មាន​ភស្ដុតាង​បញ្ជាក់ការចង​ក​នោះទេ​។ សមត្ថកិច្ចឲ្យដឹងថាឃាតកមានមុខរបរជា​មគ្គុទេសទេចរណ៍ផ្នែកនិយាយភាសាថៃ​និងត្រូវជាគូរសង្សារ​ជាមួយជនរងគ្រោះ។  ប៉ុន្ដែ​ម្ដាយខាងស្រីមិនពេញចិត្តនឹង​ទំនាក់ទំនងនេះ​ ក្រោយពេលដឹងថាបុរសរូបនោះមានប្រពន្ធកូនរួចទៅហើយ។ សមត្ថ​កិ​ច្ច​​សង្ស័​យថានេះ​ជាស្នេហាត្រីកោណ ខណៈស្ដ្រីរងគ្រោះមានផ្ទៃពោះ​ប្រហែលបីខែ៕ សរសេរមកកាន់លោក បូ សាវី តាមរយៈsavy@vodhotnews.com

ប្រធានាធិបតីអាមេរិក​រំឭកពីការគោរព​សិទ្ធិមនុស្ស​និងលទ្ធិប្រជាធិបតេយ្យ​ដល់មេដឹកនាំអាស៊ាន

ថ្ងៃទី16 កុម្ភៈ 2016, 10:23 AM

ប្រធានាធិបតី​សហរដ្ឋអាមេរិក លោក បារ៉ាក់ អូបាម៉ា នៅថ្ងៃ​អង្គារនេះ​បានថ្លែង​ទៅកាន់មេដឹកនាំអាស៊ាន​ទាំង​​១០​ប្រទេស​ថាអាមេរិក​ប្តេជ្ញា​ពង្រឹងទំនាក់ទំនងជាមួយអាស៊ាន​ហើយ​លោក​ក៏បានក្រើន​រំឭក​ពី​​ការគោរព​សិទ្ធិមនុស្សនិងដំណើរការប្រទេស​តាម​លទ្ធិប្រជាធិបតេយ្យ​។​​ នៅក្នុងសុន្ទរកថាមួយ​ដែលវីអូឌីទទួលបាននៅថ្ងៃនេះ​ លោក អូបាម៉ា បានថ្លែងនៅក្នុងកិច្ចប្រជុំកំពូលអាស៊ានអាមេរិក​ដែល​ធ្វើឡើង​រដ្ឋកាលីហ្វញ៉ា​ថាលោក​ជា​ប្រធានាធិបតី​អាមេរិក​ដំបូងបង្អស់​ដែល​ជួប​ជាមួយ​មេដឹកនាំ​ប្រទេសជាសមាជិកអាស៊ានទាំង១០នៅលើទឹកដីអាមេរិក។​ លោក​ អូបាម៉ា ​បានបបញ្ជាក់ថា៖ “យើងទាំងអស់គ្នា យើង​អាច​បន្ត​នូវការគាំទ្រ​នូវសេចក្តីប្រាថ្នានិង​ភាពថ្លៃ​ថ្នូរ​របស់ប្រជា​​ជនយើង​។ ការបោះឆ្នោតជាប្រវត្តិសាស្រ្ត​នៅប្រទេស​មីយ៉ាន់ម៉ានិង​ការផ្លាស់ប្តូរ​​កំពុងតែ​ដំណើរ​​បានផ្តល់​ក្តីសង្ឃឹម​សម្រាប់​ជាតិមួយ​ដែល​មានចម្រុះភាគីចូលរួម​ មានការរួបរួមគ្នា សន្តិភាពនិងតាម​​លទ្ធិប្រជាធិបតេយ្យ”។  លោក​ក៏បានរំឭក​ពីការរីកចម្រើន​របស់ប្រទេស​មួយ​ដែល​​តម្រូវឲ្យ​មាន​នូវអភិបាលកិច្ច​ល្អ នីតិរដ្ឋ ស្ថាប័នគណនេយ្យភាព សង្គមស៊ីវិល​ដ៏រឹងមាំ​និង​ការការពារ​សិទ្ធិមនុស្ស។​ លោក អូបាម៉ាបានថ្លែង​ថា៖ “ដូច្នេះការរីកចម្រើន​ផ្នែកសេដ្ឋកិច្ចដែលមានគ្រប់ភាគីចូលរួម​នឹង​បង្កើត​នូវ​ឱកាស​​សម្រាប់អ្នកទាំងអស់គ្នា ការការពារសន្តិសុខទៅវិញទៅមក ដំណោះស្រាយ​សន្តិភាពសម្រាប់​ជម្លោះ​ សេចក្តីថ្លៃថ្នូររបស់មនុស្សរួមមានការគោរពសិទ្ធិមនុស្ស​និងការអភិវឌ្ឍ​ប្រកបដោយចីរភាព​។ នេះជា​ទស្សនវិស័យ​របស់​យើង។ នេះ​ជា​អ្វីដែល​នាំ​ឲ្យ​យើង​នៅទីនេះទាំងអស់គ្នានៅថ្ងៃនេះ”។​ លោក អូបាម៉ា បាន​​ថ្លែង​បន្ត​ថា​សហរដ្ឋអាមេរិក​និង​ប្រ​ទេស​ជាសមាជិ​កអាស៊ាន​​អាច​បន្ត​បង្កើ​​ននូវកិច្ច​សហការ​សន្តិសុខដើម្បីដោះស្រាយ​នូវ​ការ​ប្រឈម​រួមគ្នា។ លោ​ក​បន្ថែម​ថា​​នៅ​រយៈ​ពេល​ប៉ុន្មានឆ្នាំថ្មីៗនេះ សហរដ្ឋអាមេរិក​បាន​​បង្កើនជំនួយ​សន្តិសុខ​ផ្លូវទឹកទៅកាន់​ប្រទេស​ជា​សម្ព័ន្ធមិត្តនិងដៃគូនៅ​ក្នុងតំបន់និង​ការ​ធ្វើ​ឲ្យ​ប្រសើរនូវ​សមត្ថភាព​ទៅវិញទៅមក​ ដើម្បីការពារ​ការ​ធ្វើជំនួញ​ដោយ​ស្រប​ច្បាប់​និង​ឆ្លើយតបនឹង​វិបត្តិ​មនុស្សធម៌។​ មុននឹងកិច្ចប្រជុំកំពូងលនេះ សមាជិក​ព្រឹទ្ធសភា​​អាមេរិក៧រូប​មកពីគណបក្ស​ប្រជាធិបតេយ្យ បានសរសេរ​លិខិតមួយច្បាប់ចុះថ្ងៃទី​១១ខែកុម្ភៈ ទៅនាយករដ្ឋមន្រ្តីខ្មែរ​ ដោយ​អំពាវនាវ​ឲ្យ​អនុញ្ញាត​ប្រធាន​បក្ស​ប្រឆាំង លោក សម រង្ស៊ី វិល​ចូល​ស្រុក​វិញ​ ដោះលែង​សកម្មជនសិទ្ធិមនុស្សនិង​បង្ហាញក្តីបារម្ភលើ​បញ្ហាមួយចំនួនទៀតលើបញ្ហាសិទ្ធិមនុស្សនិងលទ្ធិប្រជាធិបតេយ្យ។​ លោក​ ហ៊ុន សែន បាន​បញ្ជូនលិខិតនោះទៅវិញ​ ដោយ​ថាលិខិត​នោះ​មានអត្ថន័យ​”​ជេរ”រូបលោក។​ លោក​មាន​ប្រសាសន៍​ក្នុងពិធីសំណេះសំណាល​ជាមួយ​ពលរដ្ឋខ្មែរ​មុន​កិច្ច​ប្រជុំមួយថ្ងៃថា​៖ “អ្នកឯងមានសិទ្ធិផ្ញើសំបុត្រឲ្យខ្ញុំ ខ្ញុំមានសិទ្ធិអត់ទទួល ហើយផ្ញើសំបុត្រហ្នឹង​ទៅ​ឲ្យ​អ្នកឯងវិញ​។ អាហ្នឹងសិទ្ធិទល់សិទ្ធិតើ”។ ខ្ញុំថាខ្ចប់ស្រោមសំបុត្របញ្ជូនទៅឲ្យ​ម្ចាស់ដើមវិញទៅ ចប់ហើយ​រឿងហ្នឹង មិនបាច់ឲ្យ​ខ្ញុំដឹង​ហើយ​។​ …ផ្សាយ​ទៅថាផ្ញើឲ្យ​លោក ហ៊ុន សែន លោក​ ហ៊ុន សែន​ អត់ទទួល។ វាចប់ត្រឹមប៉ុណ្ណឹងហើយ អាសំបុត្រផ្ញើឲ្យ​គេ គេអត់ទទួល។ ខ្ញុំវាអត់ឯករាជ្យ”។ ក្នុងពេលដំណើរការកិច្ចប្រជុំនោះ ប្រជា​ពលរដ្ឋខ្មែរ​អាមេរិកកាំង​រាប់​រយនាក់នៅសហរដ្ឋអាមេរិក​បាន​ធ្វើបាតុកម្ម​ប្រមាណ​ជា​៥ម៉ោងប្រឆាំងនឹងការដឹកនាំ​របស់​លោក​នាយករដ្ឋមន្រ្តី ហ៊ុន សែន ដោយ​លើក​ឡើង​ថា​រដ្ឋាភិបាល​មិន​គោរព​សិទ្ធិមនុស្ស​និង​លទ្ធិប្រជា​ធិបតេយ្យ។​ លោក ទូច វិបុល ប្រធានអង្គការ​សម្ព័ន្ធ​មិត្តខ្មែរអាមេរិកកាំងនិង​ជា​អ្នក​រៀបចំ​បាតុកម្ម ប្រាប់វីអូឌីនៅថ្ងៃអង្គារ​ថា​អ្នក​ចូលរួម​បាតុកម្មប្រឆាំងលោក ហ៊ុន សែន មានទៅដល់១៥០០នាក់ដែលមកពី​រដ្ឋផ្សេងៗគ្នានៅសហរដ្ឋអាមេរិក​និង​ប្រទេស​កាណា​ដាផងដែរ។​ លោកបានបញ្ជាក់​បន្ថែម​ថា​បាតុករ​បាន​ត្រៀម​ជាញត្តិដាក់ទៅក្រុមការងាររបស់ប្រធានាធិបតីអាមេរិក​ដើម្បីស្នើ​សុំឲ្យ​បង្កើត​ក្រុមទំនាក់ទំនងនៅកម្ពុជាមួយ​ដែលមានចម្រុះប្រទេស​ជា​ហត្ថលេខីនៃកិច្ចព្រមព្រៀងទីក្រុងប៉ារីស​​(អាមេរិក អង់​គ្លេស ជប៉ុន ឥណ្ឌនេស៊ី​ ​អូស្រ្តាលី​និងបារាំង) ដើម្បីត្រួតពិនិត្យ​ ឃ្លាំមើលនិង​ជំរុញ​ឲ្យ​មានការគោរ​ពសិ​ទ្ធិមនុស្ស​និ​ងលទ្ធិប្រជា​ធិតេយ្យ​នៅកម្ពុជា។​ លោក​បន្តថា​ក្រុមបាតុករ​ក៏នឹង​ស្នើ​​ឲ្យ​ប្រធា​នាធិបតីអាមេរិក​​រិះ​គន់​ការរំលោភសិទ្ធិមនុស្ស​នៅកម្ពុជា​ដោយចំហផ​ងដែរ។​ (រូបថតពីហ្វេសប៊ុក​របស់​នាយករដ្ឋមន្រ្តី ហ៊ុន សែន​) គួរបញ្ជាក់​ថា​កន្លងទៅ អង្គការឃ្លាំមើលសិទ្ធិមនុស្សអន្តរជាតិ(Human Rights Watch)ដែលមានមូលដ្ឋាននៅសហរដ្ឋ​អាមេរិក​បាន​​ដាក់លិខិត​ទៅ​ប្រធានាធិបតី​អាមេរិក ដោយ​អំពាវនាវឲ្យលោក បារ៉ាក់ អូបាម៉ា លើកយកបញ្ហាសិទ្ធិមនុស្សជជែកជាមួយមេដឹកនាំប្រទេសជាសមាជិកអាស៊ាន ក្នុងនោះមាន​នាយករដ្ឋមន្រ្តីខ្មែរផងដែរ នៅក្នុងជំនួបនៅ​លើ​ទឹកដី​អាមេរិក។ មេដឹកនាំទាំងនោះ​រួម​មាន​នាយករដ្ឋមន្រ្តីថៃ នាយករដ្ឋមន្រ្តីវៀតណាមនិងប្រធានាធិបតីឡាវ៕​ សរសេរមកកាន់លោក ស៊ុន ណារិន តាមរយៈsun_narin@vodhotnews.com

បាតុកររាប់រយនាក់តវ៉ា​នៅអាមេរិក​ប្រឆាំងនឹង​លោក ហ៊ុន សែន

ថ្ងៃទី16 កុម្ភៈ 2016, 07:32 AM

ប្រជា​ពលរដ្ឋខ្មែរ​អាមេរិកកាំង​រាប់​រយនាក់នៅសហរដ្ឋអាមេរិក​ នៅព្រឹកថ្ងៃ​អង្គារនេះ​ បាន​ធ្វើបាតុកម្ម​ប្រមាណ​ជា​៥ម៉ោងនៅក្នុងទីក្រុងកាលីហ្វញ៉ា ប្រឆាំងនឹងការដឹកនាំ​របស់​លោក​នាយករដ្ឋមន្រ្តី ហ៊ុន សែន ដោយ​លើក​ឡើង​ថា​រដ្ឋាភិបាល​មិន​គោរព​សិទ្ធិមនុស្ស​និង​លទ្ធិប្រជា​ធិបតេយ្យ។​ លោក ទូច វិបុល ប្រធានអង្គការ​សម្ព័ន្ធ​មិត្តខ្មែរអាមេរិកកាំងនិង​ជា​អ្នក​រៀបចំ​បាតុកម្ម ប្រាប់វីអូឌីនៅថ្ងៃអង្គារ​ ថា​អ្នក​ចូលរួម​បាតុកម្មប្រឆាំងលោក ហ៊ុន សែន នៅថ្ងៃទី១៥ខែកុម្ភៈ មានទៅដល់១៥០០នាក់ដែលមកពី​រដ្ឋផ្សេងៗគ្នានៅសហរដ្ឋអាមេរិក​និង​ប្រទេស​កាណា​ដាផងដែរ។​ លោក​បន្ត​ថា​សារសំខាន់នៅក្នុងបាតុកម្មនោះគឺ​ទាមទារ​ឲ្យ​មាន​ការគោរពសិទ្ធិមនុស្ស​និង​សេរីនិង​គោលការណ៍លទ្ធិប្រជាធិបតេយ្យនៅកម្ពុជា។ លោកបានបញ្ជាក់​បន្ថែម​ថា​លោកត្រៀម​ជាញត្តិដាក់ទៅក្រុមការងាររបស់ប្រធានាធិបតីអាមេរិក​ដើម្បីស្នើ​សុំឲ្យ​បង្កើត​ក្រុមទំនាក់ទំនងនៅកម្ពុជាមួយ​ដែលមានចម្រុះប្រទេស​ជា​ហត្ថលេខីនៃកិច្ចព្រមព្រៀងទីក្រុងប៉ារីស​​(អាមេរិក អង់​គ្លេស ជប៉ុន ឥណ្ឌនេស៊ី​ ​អូស្រ្តាលី​និងបារាំង) ដើម្បីត្រួតពិនិត្យ​ ឃ្លាំមើលនិង​ជំរុញ​ឲ្យ​មានការគោរ​ពសិ​ទ្ធិមនុស្ស​និ​ងលទ្ធិប្រជា​ធិតេយ្យ​នៅកម្ពុជា។​ លោក​បន្តថា​ក្រុមបាតុករ​ក៏នឹង​ស្នើ​​ឲ្យ​ប្រធា​នាធិបតីអាមេរិក​​រិះ​គន់​ការរំលោភសិទ្ធិមនុស្ស​នៅកម្ពុជា​ដោយចំហផងដែរ។​ បើតាមរូបភាព​ដែលបង្ហោះលើហ្វេសប៊ុក​សម្ព័ន្ធ​មិត្តខ្មែរអាមេរិកកាំង បាតុករខ្លះបានលើក​បដាទាមទារ​ឲ្យ​លោក ហ៊ុន សែន ចុះចេញពីតំណែង​ បញ្ឈប់ការរំលោភបំពាន​និង​បញ្ឈប់ការសម្លាប់ជាដើម។​ (រូបភាព​ដែលបង្ហោះលើហ្វេសប៊ុក​សម្ព័ន្ធ​មិត្តខ្មែរអាមេរិកកាំង) (រូបភាព​ដែលបង្ហោះលើហ្វេសប៊ុក​សម្ព័ន្ធ​មិត្តខ្មែរអាមេរិកកាំង) អ្នកនាំពាក្យ​គណបក្ស​ប្រជាជនកម្ពុជាបានចាត់ទុក​ការតវ៉ានេះ​ជា​សេរីភាពនៃ​ការបញ្ចេញមតិរបស់ពលរដ្ឋនៅទីនោះ។​ កាលពីម្សិលមិញ លោក​ ហ៊ុន សែន ដែល​កំពុង​បំពេញទស្សនកិច្ច​នៅទីក្រុង​SunnylandsនៅRancho Mir​age​ដើ​ម្បីចូល​រួមកិច្ចប្រជុំកំពូលអាមេរិក-អាស៊ាន បានថ្លែង​ក្នុងពេលសំណេះសំណាលជាមួយ​ពលរដ្ឋខ្មែរ​ថាប្រសិន​បើ​បាតុកម្មមានមែន លោកនឹង​ចេញមុខ​តទល់​នឹង​ក្រុមបាតុករ តែ​លោកបង្ហាញជំនឿចិត្តថា​អាជ្ញាធរអាមេរិក​នឹង​ការ​ពារសុវត្ថិភាព​របស់​រូបលោក។ លោក​បានថ្លែង​ថា៖ “ខ្ញុំនឹងលេងឲ្យ​ដល់ទី ហើយ​អាមេរិកកាំងហ៊ានការពារខ្ញុំអត់។ វាត្រូវតែហ៊ាន ព្រោះឲ្យសិទ្ធិគេធ្វើបាតុកម្មហើយ ខ្លាចអីនឹងឲ្យ​សិទ្ធិការពារ។​ ហើយ​ខ្ញុំមិនខ្លាចទេ បើអ្នកឯងសម្លាប់ខ្ញុំ សម្លាប់ទៅ សម្លាប់ក្នុងប្រទេសអាមេរិកទៅ”៕​ សរសេរមកកាន់ លោក ស៊ុន ណារិន តាមរយៈsun_narin@vodhotnews.com  

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To