ព័ត៌មានថ្ងៃនេះ អ្នក​សារព័ត៌មាន​​ម្នាក់​ប្តឹងមេ​អាវុធហត្ថខេត្តមណ្ឌល​គិរីពីបទ​បង្ខាំងមនុស្ស​ដោយ​ខុសច្បាប់អាជ្ញាធរមិនទាន់ចាត់វិធានការក្រុមហ៊ុនទេសចរណ៍ដែលចូលចតក្នុងក្រុងសាកលវិទ្យាធិការ IIC ថា លោក ទ្រី ភាព ទទួលបានបណ្ឌិតកិត្តិយសដោយសារគុណសម្បត្តិជួយជាតិម្ចាស់ក្សត្រីយ៍ថៃ សិរិនថន យាងមកទស្សនកិច្ចនៅកម្ពុជា៣ថ្ងៃសប្ដាហ៍ក្រោយចៅក្រមស៊ើបសួរថា​ជនសង្ស័យ​សម្លាប់​សង្សារកាត់កអាចប្រឈមនឹងជាប់គុកមួយជីវិតប្រធានាធិបតីអាមេរិក​រំឭកពីការគោរព​សិទ្ធិមនុស្ស​និងលទ្ធិប្រជាធិបតេយ្យ​ដល់មេដឹកនាំអាស៊ានលោកស្រីអ៊ុងសានស៊ូជីប្រាប់តំណាងរាស្រ្តរបស់លោកស្រីថាត្រូវគិតផលប្រយោជន៍ជាតិជាធំអ្នកជំនាញសេដ្ឋកិច្ច៖ វិនិយោគទុនបរទេសនឹងកើនឡើងនៅភូមាបន្ទាប់ពីការផ្ទេរ​អំណាចបាតុកររាប់រយនាក់តវ៉ា​នៅអាមេរិក​ប្រឆាំងនឹង​លោក ហ៊ុន សែនចៅក្រមស៊ើបអង្កេត​បំបែកសំណុំរឿង​លើជនត្រូវចោទ អ៊ឹម​ ចែម
ថ្ងៃអង្គារ ទី25 មេសា 2017
អំពីវីអូឌី | ទំនាក់ទំនង

ព័ត៌មានថ្មីបំផុត

យុវជន នៅ​សៀមរាប ចែក​មួក​ស្លឹកត្នោត ដល់​ភ្ញៀវ​ទេសចរ​ដើម្បី​លើកកម្ពស់​ផលិតផល​វប្បធម៌​ជាតិ​​

ដោយ៖​ បូ សា​វី​ | ថ្ងៃសៅរ៍ ទី3 ឧសភា 2014, 05:19 PM​

មើលរូបភាពបន្ថែម

មួកស្លឹកត្នោត ដែលក្រុមយុវជនគ្រោងចែង (រូបថត បូ សាវី)

​ក្រុមនិស្សិត​ប្រមាណ​ជាង​១០០​នាក់ មកពី​តាម​បណ្ដា​សាកលវិទ្យាល័យ​ផ្សេងៗ នៅក្នុង​ប្រទេស​កម្ពុជា នឹង​ដើរ​ចែក​មួក​ស្លឹកត្នោត ដល់​ផ្ញៀវទេសចរ​នៅ​តំបន់​ប្រាសាទ​អង្គរ នៅ​ថ្ងៃ​អាទិត្យ​ស្អែក​នេះ ដើម្បី​លើកកម្ពស់​ផលិតផល​ជាតិ​របស់​ខ្លួន​។​

​និស្សិត ផ្នែក​ពាណិជ្ជកម្ម​(Business)  ឆ្នាំ​ទី​១ នៃ​សាកលវិទ្យាល័យ បញ្ញា​សាស្ដ្រ ខេត្ដ​សៀមរាប កញ្ញា ហែម គន្ធា ប្រាប់​VOD​នៅ​រសៀល​ថ្ងៃ​សៅរ​នេះ​ថា នៅ​ថ្ងៃ​អាទិត្យ​ស្អែក​នេះ ក្រុមនិស្សិត​ប្រមាណ​១០០នាក់ មកពី​តាម​បណ្ដា​ខេត្ដ រាជធានី នឹង​ដើរ​ចែក​មួក​ធ្វើ​ពី​ស្លឹកត្នោត​ដល់​ភ្ញៀវទេសចរ​ជាតិ និង​អន្ដរជាតិ នៅ​តំបន់​អង្គរវត្ដ​។ កញ្ញា​បន្ដថា ការចែក​មួក​ស្លឹកត្នោត​នេះ ក្នុង​គោលបំណង​ផ្សព្វផ្សាយ និង​ផលិតផល​របស់​ខ្មែរ និង​លើកកម្ពស់​វប្បធម៌​ជាតិ​របស់​ខ្លួន ដែល​ធ្លាប់​មាន​តាំងពី​ដូនតា​មក​ ៖«ឃើញគេ​ពាក់​ឌួន​នៅ​អង្គរ​វត្ដ​ច្រើន ហើយណាមួយនៅពេលដែលខ្ញុំចូលហាងមួយៗ គេតែឲ្យខ្ញុំទិញមួកឌួនហ្នឹងវិញ គេអត់ដែលឲ្យប្រូម៉ូស៊ិនថា លើកទឹកចិត្ដឲ្យទិញមួកស្លឹកត្នោតខ្មែរយើងអញ្ចឹង អញ្ចឹង​ធ្វើ​ឲ្យ​ពួក​ខ្ញុំចង់លើកស្ទួយឲ្យផលិតផលមួកស្លឹកត្នោតខ្មែរយើងហ្នឹង  មានតំលៃមកវិញ។»

 

​ជាមួយគ្នានេះដែរ កញ្ញា បាន សុខ​លក្ខិណា និង កញ្ញា មឿន គឹម​ហ៊​ង ជា​និស្សិត​ឆ្នាំ​ទី​១ ​ផ្នែក​ទំនាក់ទំនង​អន្ដរជាតិ នៃ​សាកលវិទ្យាល័យ​បញ្ញា​សាស្ដ្រ ថ្លែង​ឲ្យដឹង​ស្រដៀង​គ្នា​ថា នៅ​តំបន់​ទេសចរណ៏​ប្រវត្តិសាស្ដ្រ​អង្គរ ត្រូវបាន​គេ​នាំចូល​ផលិតផល​មកពី​បរទេស​ច្រើន​លក់​ជូន​ភ្ញៀវ​ទេសចរ ខណៈ​ផលិតផល​ខ្មែរ កំពុង​រង​ការបាត់បង់​ជា​បណ្ដើរៗ​។

ពួកគេ​ បន្ដ​ថា ភ្ញៀវទេសចរ​ជាច្រើន​ដែល​មក​ទស្សនា​ប្រាសាទ​អង្គរ​ពួកគាត់​ពាក់មួក​ ឌួន ដែល​ជា​ផលិត​វៀតណាម ដែល​អាច​ឲ្យ​ភ្ញៀវ​បរទេស​ភាន់ច្រឡំ​ថា​ ជា​របស់​ស្នាដៃ​របស់​ខ្មែរ​។ ក្រុមនិស្សិត​អំពាវនាវ​ឲ្យ​ពលរដ្ឋ​ខ្មែរ និង​ភ្ញៀវទេសចរ​ជាតិ​អន្ដរជាតិ ងាក​មក​ប្រើប្រាស់​ផលិតផល​ខ្មែរ​វិញ​ នៅពេលភ្ញៀវទេសចរគាត់មកលេងស្រុកយើង គាត់​ពាក់​មួក​ហ្នឹង  ដល់ពេលនោះហើយគាត់ថតរូប ដូច្នេះ នៅពេលគេទៅស្រុកគេទៅវិញគេឃើញវិញ ដូច្នេះគេឃើញមួកស្លឹកត្នោតហ្នឹង ជារបស់ខ្មែរយើង។ នាង​ខ្ញុំ​សូម​អំពាវ​នាវ​ដល់​ប្រជាពលរដ្ឋខ្មែរយើងសូមជួយគាំទ្រផលិតផលជាតិយើង មួកស្លឹកត្នោតគឺជាអត្ដសញ្ញាណមួយរបស់ជាតិ ព្រោះ​អី​ប្រជា​កសិករ​យើង​កាល​ពី​សម័យ​ដើម​គឺ​គាត់​ប្រើ​ប្រាស់​មួក​ស្លឹក​ត្នោតនៅក្នុងជីវភាពរស់នៅប្រចាំថ្ងៃរបស់គាត់ ហើយវាក៍ជាអត្ដសញ្ញាណមួយរបស់ជាតិ អញ្ចឹងខ្មែរគួរតែងាកទៅប្រើប្រាស់និងគាំទ្រផលិតផលខ្មែរយើង ដើម្បី​លើក​ស្ទួយ​ជីវភាព​ពលរដ្ឋឲ្យមានជីវភាពកាន់តែប្រសើរឡើងបង។»

 

ទាក់ទង​នឹង​ករណី​នេះ ប្រធាន​មន្ទីរ​ទេសចរណ៏ ខេត្ដ​សៀមរាប លោក ង៉ូវ សេង​កាក់ មានប្រសាសន៍​គាំទ្រ ចំពោះគម្រោង​ចែក​មួក​របស់​ក្រុមនិស្សិត​នេះ។ ​លោក​បន្ដថា ការ​ផ្សព្វផ្សាយ​ផលិតផល​ជាតិ​របស់​ខ្លួន ដូចជា​មួក​ស្លឹកត្នោត​នេះ អាច​លើក​ទឹកចិត្ដ​ដល់​ភ្ញៀវទេសចរ និង អាច​បង្កើន​ឲ្យ​ពលរដ្ឋ​ខ្មែរ​មាន គំនិត​បង្កើត​សិប្បកម្ម ធ្វើ​មួក​ស្លឹកត្នោត​នេះ​ផងដែរ​ ៖ «នេះជាការរួមចំណែកមួយក្នុងការទាក់ទាញភ្ញៀវទេសចរ និងការងារផ្សព្វផ្សាយ ក៏ដូចជាកាងារបដិសណ្ឋារៈកិច្ច និង​ការ​លើក​ទឹក​ចិត្ដ​ដល់​ភ្ញៀវ​ទេស​ចរ​ដែល​មក​ទស្ស​នានៅខេត្ដសៀមរាបផង ជាពិសេសនៅកម្ពុជា ហើយការចែកនេះ ខ្ញុំមានការគាំទ្រនៅគំរោងការងារមួយដែលផ្សាយផលិតផលខ្មែរយើង បាទ សូម​គាំ​ទ្រ​ក្នុង​នាម​មន្ទីរ​ទេស​ចរ ក៏ដូចក្រសូងទេសចរណ៏បាទ។»

បើ​តាម​ក្រុម​និស្សិត​ឲ្យដឹងថា គម្រោង​ចែក​មួក​ស្លឹកត្នោត​ស្អែក​នេះ ពួកគេ​ត្រៀម​មួក​ជាង​៤០០ សំរាប់​ចែកជូន​ដល់​ភ្ញៀវ​ទេសចរ ដោយឥត​គិតថ្លៃ​។ ពួកគេ​ជិះ​កង់​ចេញពី​ក្រុង​សៀម​រាប នៅ​ម៉ោង​៨​ព្រឹក ដោយមាន​សំលៀក​បំពាក់​អាវយឺត​ពណ៌ ស មាន​រូប​សញ្ញា​អង្គរវត្ដ ពាក់មួក​ស្លឹកត្នោត​ឆ្ពោះទៅ តំបន់​អង្គរ នៅ​ថ្ងៃ​អាទិត្យ​ស្អែក​នេះ។

មួក​ស្លឹកត្នោត ត្រូវបាន​គេ​សង្កេត​ឃើញ​មិនសូវ​ឃើញ​មាន​អ្នកប្រើប្រាស់​វា​ទេ ទាំង​នៅ​ខេត្ដ​សៀមរាប និង​បណ្ដា​ខេត្ដ​ផ្សេងៗ ស្របពេល​ដែល​មួក​ ឌួន ត្រូវបាន​គេ​ឃើញ​ភ្ញៀវ​ទេសចរណ៍​ពាក់​ព្រោងព្រាត​មក​ទស្សនា​នៅ​រមណីយដ្ឋាន​អង្គរ​ប្រសា​ស្ត្រ​មួយនេះ​៕

សរសេរមកកាន់លោក បូ សាវី តាមរយៈ savy@vodhotnews.com


Tags:

4273

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
ក្រសួង​រំឭក​ឲ្យ​លើកក​ម្ព​ស់ប្រពៃណី​ខ្មែរ​ខណៈ​យុវជន​ខ្លះ​ភ្លើតភ្លើន​នឹង​វប្បធម៌​បរទេស

ថ្ងៃទី13 កុម្ភៈ 2016, 01:35 PM

​ក្រសួង​វប្បធម៌ និង​វិចិត្រសិល្បៈ អំពាវនាវឲ្យ​អាជ្ញាធរ និង​មាតា​បី​តាជួយ​ទប់ស្កាត់និង​ណែនាំដល់​យុវជនឲ្យ​ចេះ​ស្រឡាញ់​អារ្យធម៌ និង​ប្រពៃណី​ខ្មែរ ខណៈ​ទិវា​នៃ​ក្តីស្រឡាញ់ ដែល​ជា​វប្បធម៌​បរទេសនឹង​ចូលមក​ដល់​នៅ​ថ្ងៃ​អាទិត្យ​ស្អែក​នេះ​។​ ​លិខិត​ចុះ​ថ្ងៃទី​១៣ ​ខែ​កុម្ភះ​នេះ ក្រសួង​វប្បធម៌ និង​វិចិត្យសិល្បៈ អំពាវនាវ​ឲ្យ​អាជ្ញាធរមាន​សមត្ថកិច្ច​ពាក់ព័ន្ធ ជា​ពិសេស​យុវជន ត្រូវ​ចូលរួម​ចំណែក​តាម​វិធានការ​នានា ទប់ស្កាត់​កុំឲ្យ​យុវវ័យ​ប្រើប្រាស់ជំនឿ​សាសនា​បែប​បរទេស ឬ​ហៅ​ថា វិវា​នៃ​ក្តីស្រឡាញ់​នោះ ទៅ​ប្រព្រឹត្ត​ខុស​ពី​គន្លង​ប្រពៃណី​ដ៏​ផូង់​របស់​ខ្មែរ។​

ពុទ្ធបរិស័ទក្នុងខេត្តកំពង់ស្ពឺជំទាស់នឹងការតែងតាំងចៅអធិការវត្ត

ថ្ងៃទី9 កុម្ភៈ 2016, 12:04 PM

ពុទ្ធបរិស័ទរាប់រយនាក់នៅស្រុកបរសេដ្ឋ ខេត្តកំពង់ស្ពឺ ជំទាស់នឹងការតែងតាំងចៅអធិការវត្តស្លាបលែង ដែលរៀបចំដោយមន្ត្រីធម្មការស្រុក ដោយពុទ្ធបរិស័ទអះអាងថា មិនទាន់ស្គាល់ច្បាស់ពីប្រវត្តិរបស់ព្រះតេជគុណអង្គនោះ។ តំណាងពុទ្ធបរិស័ទរស់នៅភូមិស្លាបលែង ឃុំស្វាយរំពារ ស្រុកបរសេដ្ឋ លោក កែ សឿន ប្រាប់VODនៅថ្ងៃអង្គារនេះថា ពុទ្ធបរិស័ទបានប្រមូលស្នាមមេដៃជិត៣០០នាក់ក្នុងភូមិចំនួន១៤ ដើម្បីដាក់ទៅការិយាល័យធម្មការស្រុក ជំទាស់នឹងការតែងតំាងចៅអធិការថ្មី នៅវត្តស្លាបលែង ដោយអះអាងថា ពុទ្ធបរិស័ទមិនទាន់ស្គាល់ប្រវត្តិចៅអធិការវត្តដែលត្រូវតែងតំាងថ្មីនោះច្បាស់លាស់។ លោកមានប្រសាសន៍ថា៖ “មិនទាន់ខុសអីទេ ក៏ប៉ុន្តែវាថ្មី ថ្មីហើយអត់ដែលស្គាល់គ្នា តែគាត់ចំាតាមដានមើលសិន តែកាលណាគាត់ពេញចិត្តគាត់ ឯកភាពហើយ”។ លោក កែ សឿន បន្ថែមថា ពុទ្ធបរិស័ទមិនមែនមិនពេញចិត្តចៅអធិការវត្តថ្មីព្រះតេជគុណ គីម ចាន់នី នោះទេ ប៉ុន្តែលោកថា ពុទ្ធបរិស័ទចង់ឲ្យការិយាល័យធម្មការស្រុកទុកពេលឲ្យព្រះសង្ឃអង្គនោះឲ្យគង់នៅវត្តស្លាបលែងមួយរយៈសិន ដើម្បីឲ្យពុទ្ធបរិស័ទតាមដានពីសកម្មភាពថា បំរើសាសនាដោយស្មោះត្រង់ ឬយ៉ាងណា។ អ្នកនាំពាក្យក្រសួងធម្មការ និងសាសនា លោក សេង សុមុន្នី មានប្រសាសន៍ថា ក្រសួងមិនទាន់ដឹងពីបញ្ហាច្បាស់នៅឡើយទេ។ ប៉ុន្តែលោកថា ព្រះសង្ឃព្រះនាម គីម ចាន់នី នោះមិនទាន់មានលិខិតតែងតាំងជាផ្លូវការនៅឡើយទេ។ លោកមានប្រសាសន៍ថា៖ “ការតែងតំាងមិនទាន់មានសំណើមកដល់ក្រសួងទេ បើអ៊ីចឹងកាលណាសមត្ថកិច្ចស្រុកគាត់រៀបរយចង់និយាងអ៊ីចឹង អ៊ីចឹងរៀបរយនៅក្នុងដែនកំណត់ថាបើមិនទាន់មានព្រះសង្ឃគ្រប់គ្រងទេ គាត់ត្រូវរៀបរយរកព្រះសង្ឃដែលមានចំណេះដឹង មានគុណធម៌យកមកគ្រប់គ្រងបណ្តោះអាសន្នអ៊ីចឹងទៅបាទ”។  បើតាមក្រុមពុទ្ធបរិស័ទ ករណីតែងតំាងចៅអធិការថ្មីនៅវត្តស្លាបលែងនោះ ដោយសារចៅអធិការវត្តបច្ចុប្បន្ននេះ ព្រះតេជគុណ អ៊ឹម សុផានីម បានប្រព្រឹត្តខុសនឹងវិន័យសាសនា និងការចាត់ចែងថវិការបស់វត្តមិនមានតម្លាភាព។ ដោយមើលឃើញភាពមិនប្រក្រតីនេះ មន្ត្រីការិយាល័យធម្មការស្រុក បានសម្រេចតែងតំាងចៅអធិការថ្មីមកពីស្រុកភ្នំស្រួចជំនួសចៅអធិការបច្ចុប្បន្ន តែពុទ្ធបរិស័ទអះអាងថា ការតែងតំាងនេះ មន្រ្តីធម្មការមិនបានសួយោបល់ជាមួយពួកគេជាមុននោះទេ៕ សរសេរ​មក​លោក ណាត សុភាព តាមរយៈ sopheap@vodhotnews.com  

ក្រសួងវប្បធម៌ព្រមានចាត់វិធានការផ្លូវច្បាប់លើអ្នកបំពានសិទ្ធិអ្នកនិពន្ធ និងសិទ្ធិប្រហាក់ប្រហែល

ថ្ងៃទី5 កុម្ភៈ 2016, 11:03 AM

ក្រសួងវប្បធម៌ និងវិចិត្រសិល្បៈព្រមានចាត់វិធានការផ្លូវច្បាប់លើអ្នករំលោភបំពានសិទ្ធិអ្នកនិពន្ធ និងសិទ្ធិប្រហាក់ប្រហែលលើស្នាដៃអក្សរសាស្ត្រ សិល្បៈ និងតូរ្យតន្ត្រីដែលគ្មានអ្នកទទួលមរតក ។ នៅក្នុងសេចក្ដីជូនដំណឹងចុះថ្ងៃ៤ ខែកុម្ភៈនេះ ក្រសួងវប្បធម៌ និងវិចិត្រសិល្បៈលើកឡើងថា ក្រសួងពិនិត្យឃើញថា បណ្ដាម្ចាស់ផលិតកម្ម និងបុគ្គលមួយចំនួនដែលរស់នៅក្នុងប្រទេសកម្ពុជា និងក្រៅប្រទេសបានកំពុងផលិតឡើងវិញ ផលិតបន្ត និងផ្សព្វផ្សាយធ្វើអាជីវកម្មស្នាដៃគ្មានអ្នកទទួលមរតក ឬគ្មានមរតកសាសន៍ ដោយគ្មានការអនុញ្ញាតសិទ្ធិពីក្រសួង។ សេចក្ដីជូនដំណឹងឲ្យដឹងដែរថា ស្នាដៃទាំងនោះភាគច្រើនជាបទចម្រៀងជំនាន់ដើម។ សេចក្ដីជូនដំណឹងបន្តថា លើសពីនោះ ការផលិតបន្ត និងការផលិតឡើងវិញមួយចំនួនបានកែប្រែខ្លឹមសារដើម ដោយ​ក្រសួង​ចាត់​ទុក​ថា បាន​ធ្វើឲ្យខូចទម្រង់ស្នាដៃដើម និង​បានរំលោភសិទ្ធិសីលធម៌ និងសិទ្ធិបេតិកភណ្ឌ និងធ្វើឲ្យខូចកេរ្តិ៍៍ឈ្មោះ និងកិត្តិយសរបស់អ្នកនិពន្ធ។ ក្រសួងវប្បធម៌ក៏លើកឡើងផងដែរថា ការផលិតបន្ត និងផ្សព្វផ្សាយស្នាដៃដែល​គ្មានអ្នកទទួលមរតកទាំងនោះ ដោយគ្មានការអនុញ្ញាតពីក្រសួងគឺខុសនឹងមាត្រាទី៣៣នៃច្បាប់ស្ដីពីសិទ្ធិអ្នកនិពន្ធ និងសិទ្ធិប្រហាក់ប្រហែល ដោយក្រសួងព្រមានចាត់វិធានការតាមផ្លូវច្បាប់លើអ្នកដែលនៅតែរំលោភបំពាន។ មាត្រាទី៣៣នៃច្បាប់ស្ដីពីសិទ្ធិអ្នកនិពន្ធ និងសិទ្ធិប្រហាក់ប្រហែលចែងថា ការគ្រប់គ្រងសិទ្ធិបេតិកភណ្ឌអាចផ្ទេរឲ្យទាយាទរបស់អ្នកនិពន្ធបានដោយមូលហេតុមរណភាពរបស់អ្នកនិពន្ធ ឬអាចប្រគល់ជូនតតីយជនបានដោយយោងតាមបទបញ្ញត្តិនៃមរតកសាសន៍។ ក្នុងករណីគ្មានអ្នកទទួលមរតក ឬគ្មានមរតកសាសន៍ រដ្ឋដែលតំណាងដោយក្រសួងវប្បធម៌ និងវិចិត្រសិល្បៈជាអ្នកគ្រប់គ្រងសិទ្ធិនេះ។ យោងតាមមាត្រា២១នៃច្បាប់ដដែលនេះ សិទ្ធិបេតិកភណ្ឌជាសិទ្ធិប្រកបអាជីវកម្មរបស់អ្នកនិពន្ធលើទ្រព្យជាស្នាដៃរបស់ខ្លួនតាមរយៈការផលិតឡើងវិញ ការផ្សព្វផ្សាយជាសាធារណៈ និងការបង្កើតស្នាដៃបន្ត៕ សរសេរ​មក​លោក អុិត សូធឿត តាមរយៈ sothoeuth@vodhotnews.com  

អាជ្ញាធរអប្សរាបើកដំណើរការសារមន្ទីរវាយនភណ្ឌប្រពៃណីអាស៊ីក្នុងខេត្តសៀមរាប

ថ្ងៃទី3 កុម្ភៈ 2016, 11:27 AM

អាជ្ញាធរអប្សរាឲ្យដឹងថា អាជ្ញាធរបានបើកដំណើរការ និងដាក់លក់ប័ណ្ណចូលទស្សនាសារមន្ទីរវាយភណ្ឌប្រពៃណីអាស៊ីដែលមានដាក់តាំងបង្ហាញវាយនភណ្ឌមកពីប្រទេសតំបន់ទន្លេគង្គា និងប្រទេសតំបន់ទន្លេមេគង្គ ចាប់ពីថ្ងៃទី១ ខែកុម្ភៈ តទៅ។ សេចក្ដីជូនដំណឹងរបស់អាជ្ញាធរអប្សរាចេញកាលពីថ្ងៃទី២ ខែកុម្ភៈ ឲ្យដឹងថា សារមន្ទីរវាយនភណ្ឌប្រពៃណីអាស៊ី ជាសារមន្ទីរវាយនភណ្ឌប្រពៃណីលើកទី១ និងជាលើកដំបូងរបស់គម្រោងនៃកិច្ចសហប្រតិបត្កិការទន្លេមេគង្គ និងទន្លេគង្គា(Mekong Ganga Cooperation Asian Traditional Textile Museum) ដោយមានដាក់តាំងបង្ហាញវាយនភណ្ឌប្រពៃណីមកពីប្រទេសសតំបន់ទន្លេគង្គាដែលមានប្រទេសឥណ្ឌា និងប្រទេសតំបន់ទន្លេមេគង្គមានប្រទេស កម្ពុជា ថៃ មីយ៉ាន់ម៉ា វៀតណាម និងប្រទេសឡាវ។ 

ពុទ្ធបរិស័ទថាគម្រោង​ចាប់ផ្សឹកព្រះសង្ឃខ្មែរកម្ពុជាក្រោមត្រូវបរាជ័យ

ថ្ងៃទី8 ធ្នូ 2015, 03:29 PM

ពុទ្ធបរិស័ទបានហៅការប៉ុនប៉ងចាប់ផ្សឹកព្រះសង្ឃខ្មែរ​កម្ពុជា​ក្រោម១អង្គគង់នៅវត្តស្ទឹងមានជ័យនោះថាត្រូវបានបរាជ័យ ​ខណៈ​ប្រជាពលរដ្ឋជាង១០០អង្គ/នាក់នាំគ្នាតវ៉ា​។ កាលពីរសៀលថ្ងៃចន្ទម្សិលមិញ ​មន្ត្រីក្រសួង​ធម្មការ លោក ភ័ន ណាវី និងចៅអធិការស្តីទីវត្តស្ទឹងមានជ័យលោក ថៃ ប៊ុនធឿន បានកោះប្រជុំជាមួយមន្ត្រីសង្ឃមកពីវត្តសន្សំកុសលនិងវត្តនន្នមុនី រួមទំាងចៅសង្កាត់ស្ទឹងមានជ័យ ករណីព្រះសង្ឃព្រះនាម ថាច់ គង់ ដែលរងការចោទថាយករូបព្រះពុទ្ធទៅបោះចោលក្នុងស្រះទឹក។ ប្រជាពលរដ្ឋរស់នៅក្បែរ​វត្តស្ទឹងប្រាប់អ្នកយកព័ត៌មានVODថាមូលហេតុដែលនាំឲ្យមានគម្រោង​ចាប់ព្រះសង្ឃផ្សឹក​​ដោយ​សារ​មានមន្ត្រីសង្ឃនៅក្នុង​វត្តស្ទឹងមានជ័យមួយចំនួន​ច្រណែនព្រះសង្ឃព្រះ​នាម ថាច់ គង់ ដែលមានលុយ​ទិញកុដិថ្មីទើប​នាំគ្នា​រកវិធីយកព្រះដាក់ក្នុងទឹកស្រះស្អុយដើម្បីចោទប្រ​កាន់​និងចាប់ផ្សឹក។ អ្នកស្រីអះអាងថាព្រះសង្ឃខ្មែរកម្ពុជា​អង្គនោះមិនធ្វើខុស​ដូច​​ការចោទប្រកាន់នោះទេ។ អ្នកស្រីបន្តថា៖ “ការចោទប្រកាន់ហ្នឹងប្រហែលជាក្តីអយុត្តិធម៌សម្រាប់លោកដែរ ព្រោះលោកតែមួយអង្គឯងលោកច្រើនព្រួតធ្វើបាបលោកចឹង។ លោកអង្គហ្នឹងលោកអត់សូវចេះសន្សំរឿងសន្សំអីទេលោកគិតតែពីស្រោចទឹកឲ្យគេព្រោះ១ថ្ងៃៗមានភ្ញៀវចូលទៅកុដិលោកហ្នឹងច្រើនជាងគេព្រោះលោកស្រោចទឹកបើអ្នកមានលោកយក​បច្ច័យ​បើអ្នកក្រលោកអត់យកទេលោកបញ្ជូនឲ្យទៅវិញលោកអត់បានទទួលបច្ច័យពីអ្នកក្រីក្រទេ ចឹងគេធ្វើបានតេជ​គុណគេឈ្នានីសតេជគុណគេមិនអាចឲ្យតេជ​គុណនៅក្នុងវត្តហ្នឹងបានសុខទេ”។ ព្រះ​តេជគុណ ថាច់ គង់ មានថេរដីកាថាការសាកសួររបស់មន្ត្រីសង្ឃសុទ្ធតែដាក់គំនាបឲ្យព្រះអង្គប្រគល់កុដិដែលទិញតម្លៃ​៥ម៉ឺនដុល្លារ​ទៅវត្តគ្រប់គ្រងវិញ ប៉ុន្តែព្រះអង្គមិនព្រមដោយព្រះអង្គសម្អាងថាកុដិនោះព្រះអង្គទិញពីព្រះសង្ឃផ្សេងសម្រាប់ទុកឲ្យនិស្សិតនិងព្រះសង្ឃមកពីបណ្តាខេត្តស្នាក់ទៅបណ្តោះអាសន្ន។ ប៉ុន្តែព្រះអង្គមានថេរដីកាទៀត​ថាព្រះអង្គនឹងយល់ព្រមប្រគល់​កុដិឲ្យ​វត្តគ្រប់គ្រងលុះត្រាតែសងលុយ៥ម៉ឺនដុល្លារឲ្យព្រះអង្គវិញដើម្បីព្រះអង្គយកទៅជួយមន្ទីរពេទ្យគន្ធបុប្ឆា។ យ៉ាងណាក៏ដោយបន្ទាប់ពីបញ្ចប់កិច្ចប្រជុំភ្លាមមន្ត្រីក្រសួងធម្មការ ​ចៅអធិការស្តីទីនិង​គ្រូសូត្រស្តំាវត្តស្ទឹងមានជ័យព្រមទំាង​ចៅ​សង្កាត់បានជិះរថយន្តចេញពីវត្តអស់ដោយមិនព្រមឲ្យអ្នកសារព័ត៌មានសម្ភាសន៍នោះទេ។ ដោយឡែកករណីយាយជី មម វ៉ាន់ យាយជី មុំ យាយជី រ៉ា  ដែលអះអាងថាខ្លួន​ឃើញព្រះសង្ឃកម្ពុជា​ក្រោម​យករូបព្រះពុទ្ធបោះក្នុងទឹកស្រះស្អុយនោះព្យាយាមដើរចេញពីអ្នកសារព័ត៌មានVOD នៅពេលអ្នកសារព័ត៌មានសុំសម្ភាសន៍។ កាលពីយប់ថ្ងៃទី៥ខែធ្នូមន្ត្រីសង្ឃបានកោះប្រជុំសង្ឃនៅវត្តស្ទឹងមានជ័យម្តងរួចហើយបន្ទាប់ពីមានករណីចោទថាព្រះ​តេជ​គុណ ថាច់ គង់ ព្រះជន្ម៥០ព្រះវស្សាយករូបព្រះពុទ្ធចោលក្នុងស្រះខណៈព្រះអង្គរៀបចំកុដិថ្មី។ ប៉ុន្តែ​ព្រះ​តេជគុណ ថាច់ គង់ មាន​ថេរដីកាថាព្រះអង្គមិនមានបំណងប្រមាថព្រះពុទ្ធទេគឺព្រះអង្គរៀបចំកុដិហើយព្រះអង្គមិនបានដឹងថាមានយាយជីតាជីដែល​ជួយរៀបចំនោះយកព្រះពុទ្ធខ្លះដែលចាស់ឬបាក់បែកទៅចោលនោះទេ៕ សូម​សរសេរ​មក​កាន់​លោក ណាត សុភាព តាមរយៈ pheap@vodhotnews.com

មន្ត្រីធម្មការនឹងកោះប្រជុំព្រះសង្ឃនៅវត្តស្ទឹងមានជ័យជាថ្មីនៅថ្ងៃចន្ទនេះ

ថ្ងៃទី7 ធ្នូ 2015, 11:27 AM

ព្រះសង្ឃខ្មែរកម្ពុជាក្រោមឲ្យដឹងថាមន្ត្រីក្រសួងធម្មការនឹងកោះប្រជុំព្រះសង្ឃនៅវត្តស្ទឹងមានជ័យជាថ្មីនៅរសៀល​ថ្ងៃចន្ទនេះដើម្បីសម្រេចចំពោះករណីព្រះសង្ឃខ្មែរកម្ពុជាក្រោម១អង្គដែលរងការចោទថាយករូបព្រះពុទ្ធ ទៅបោះចោលក្នុងស្រះទឹកស្អុយក្នុងវត្ត។ កាលពីយប់ថ្ងៃទី៥ខែធ្នូមន្ត្រីសង្ឃនៅវត្តស្ទឹងមានជ័យបានកោះប្រជុំសង្ឃម្តងរួចហើយបន្ទាប់ពីករណីចោទព្រះ​តេជ​គុណ ថាច់ គង់ ព្រះជន្ម៥០ព្រះវស្សាថាយករូបព្រះពុទ្ធចោលក្នុងស្រះខណៈព្​រះអង្គរៀបចំកុដិថ្មី។ ប៉ុន្តែ​ព្រះ​តេជគុណ ថាច់ គង់ មានថេរដីកាថាព្រះអង្គមិនមានបំណងប្រមាថព្រះពុទ្ធទេគឺព្រះអង្គរៀបចំកុដិហើយព្រះអង្គមិនបានដឹងថាមានយាយជីតាជីដែលជួយរៀបចំនោះយកព្រះពុទ្ធខ្លះដែលចាស់ឬបាក់បែកទៅចោលនោះទេ។ ចៅអធិការវត្តសាមគ្គីរង្ស៊ីព្រះសង្ឃ ថាច់ ហាសំអាង មានថេរដីកាប្រាប់VODនៅថ្ងៃចន្ទនេះថាករណីចោទប្រកាន់ព្រះសង្ឃខ្មែរកម្ពុជាក្រោមគង់នៅវត្តស្ទឹងមានជ័យថាយករូបព្រះពុទ្ធចោលក្នុងស្រះទឹកស្អុយក្នុងវត្តមិនត្រឹមត្រូវទេ​ព្រោះរូបព្រះពុទ្ធដែលចោលក្នុងស្រះនោះធ្វើឡើងដោយក្រុមផ្សេងហើយទម្លាក់កំហុសឲ្យព្រះសង្ឃខ្មែរកម្ពុជាក្រោមដោយសារតែរឿងច្រណែនឈ្នានីសគ្នារវាងព្រះសង្ឃដែលនៅកុដិក្បែរនោះ “គេឃើញព្រះតេជគុណខ្មែរកម្ពុជាក្រោម ថាច់ គង់ ទើបទិញកុដិ៥ម៉ឺនដុល្លារអញ្ចឹងមានមន្ត្រីសង្ឃខ្លះគេច្រណែនទើបគេយករូបបដិមាព្រះពុទ្ធចោលក្នុងស្រះទឹកស្អុយរួចគេថតរូបយកទៅទម្លាក់កំហុសលើព្រះអង្គអញ្ចឹង”។ កាលពីល្ងាចថ្ងៃទី៥ខែធ្នូឆ្នាំ២០១៥នៅពេលមន្ត្រីសង្ឃវត្តស្ទឹងមានជ័យកោះប្រជុំក៏មានព្រះសង្ឃខ្មែរកម្ពុជាក្រោម និងពុទ្ធបរិស័ទចេញមុខប្រឆាំងមិនឲ្យផ្សឹកព្រះតេជគុណ ថាច់ គង់  ដោយពួកគេអះអាងព្រះអង្គមិនបានធ្វើខុសដូចការចោទប្រកាន់៕ សូម​សរសេរ​មក​កាន់​លោក ណាត សុភាព តាមរយៈ pheap@vodhotnews.com

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To