ព័ត៌មានថ្ងៃនេះ អ្នក​សារព័ត៌មាន​​ម្នាក់​ប្តឹងមេ​អាវុធហត្ថខេត្តមណ្ឌល​គិរីពីបទ​បង្ខាំងមនុស្ស​ដោយ​ខុសច្បាប់អាជ្ញាធរមិនទាន់ចាត់វិធានការក្រុមហ៊ុនទេសចរណ៍ដែលចូលចតក្នុងក្រុងសាកលវិទ្យាធិការ IIC ថា លោក ទ្រី ភាព ទទួលបានបណ្ឌិតកិត្តិយសដោយសារគុណសម្បត្តិជួយជាតិម្ចាស់ក្សត្រីយ៍ថៃ សិរិនថន យាងមកទស្សនកិច្ចនៅកម្ពុជា៣ថ្ងៃសប្ដាហ៍ក្រោយចៅក្រមស៊ើបសួរថា​ជនសង្ស័យ​សម្លាប់​សង្សារកាត់កអាចប្រឈមនឹងជាប់គុកមួយជីវិតប្រធានាធិបតីអាមេរិក​រំឭកពីការគោរព​សិទ្ធិមនុស្ស​និងលទ្ធិប្រជាធិបតេយ្យ​ដល់មេដឹកនាំអាស៊ានលោកស្រីអ៊ុងសានស៊ូជីប្រាប់តំណាងរាស្រ្តរបស់លោកស្រីថាត្រូវគិតផលប្រយោជន៍ជាតិជាធំអ្នកជំនាញសេដ្ឋកិច្ច៖ វិនិយោគទុនបរទេសនឹងកើនឡើងនៅភូមាបន្ទាប់ពីការផ្ទេរ​អំណាចបាតុកររាប់រយនាក់តវ៉ា​នៅអាមេរិក​ប្រឆាំងនឹង​លោក ហ៊ុន សែនចៅក្រមស៊ើបអង្កេត​បំបែកសំណុំរឿង​លើជនត្រូវចោទ អ៊ឹម​ ចែម
ថ្ងៃសៅរ៍ ទី23 កញ្ញា 2017
អំពីវីអូឌី | ទំនាក់ទំនង

ព័ត៌មានថ្មីបំផុត

រឿង​​«ស្ដេចកន» ចំណាយ​ជាង​​​​១លាន​ដុល្លារ​

ដោយ៖​ វង្ស សុម៉ាលីន​ | ថ្ងៃសៅរ៍ ទី30 មករា 2016, 07:25 AM​

មើលរូបភាពបន្ថែម

ពិធីក្រុងពាលីដែលធ្វើកាលពីថ្ងៃទី២៩ខែមករា ឆ្នាំ​២០១៦(រូបថតដោយ​អ្នក​ស្រី​​ថុង ស៊ីវទៀង)

​បើ​ទោះជា​ប្រឹងបិទបាំង​​ទិន្ន​ន័យ​ ​ភាពយន្ត​​រឿង​​​«ឃុនហ្លួង​ព្រះ​ស្ដេចកន​»ត្រូវ​បាន​គេ​អះ​អាង​ថានឹង​ចំណាយ​​រហូត​ដល់​​​​១លាន​ដុល្លារ​យ៉ាងតិ​ច​​ ដោយ​សា​រតែ​រឿង​ទាំង​មូល​ក្រៅ​ពីត្រូវ​ការ​​តួ​អង្គ​ច្រើន ​​សម្ភារៈ​ផលិត​ថ្មី​ទាំង​អស់ ​ក៏ត្រូវ​​ប្រើ​ពេល​​ថត​យូរ​ទម្រាំ​​​ចប់​។ ខ្សែ​រឿង​នេះបាន​​បើក​​សម្ពោធចេញ​ថត​ហើយ កាល​ពី​ថ្ងៃ​ទី​​២៩ ​​មករា នៅ​ភ្នំតាម៉ៅ​ ​​ដោយ​មាន​​​​​​ពិធី​​ក្រុង​ពាលី​យ៉ាង​​អធិកអធម​បំផុត​​​ គឺ​អាច​និយាយ​ថា​មិន​ធ្លាប់​មាន​សម្រាប់​ភាព​យន្ត​ក្នុងស្រុក​។

​​នៅ​ក្នុង​ពិធីសម្ពោធ​​នោះ គេ​មិន​ឃើញ​​មាន​អ្នក​​កាសែត​​ចូល​រួ​ម​កុះ​ករ​​ដូច​គ្នា​នឹង​ពិធី​​​​ក្រុង​ពាលី​​រឿង​របស់​​ផលិត​​ដទៃ​នោះ​ទេ ​​​ប៉ុន្តែ​គេ​ឃើញ​ក្រុ​ម​ហ៊ុន​​LYP របស់​លោក​លី យ៉ុង​ផាត់ ​ដែល​ជា​អ្នកបោះ​ទុន​​ផលិត បាន​អញ្ជើញ​​ផលិតករ តារា​ល្បី​ៗ​ជា​កិត្តិយសនិង​​តារា​សម្ដែង​រហូត​ដល់​​រយ​នាក់។ នៅ​ក្នុងទី​តាំង​​​​​​ដែល​​ធ្វើ​ពិធី​ក្រុង​ពាលី​​នោះ ​មាន​ការ​តាំង​បង្ហាញ​ដោយ​សំណង់​​បន្ទាយ​​​​ឫស្សី ធ្វើ​ពី​ឈើ​​ប្រវែង​​ជា​​​​​​១០០​ម៉ែត្រ​​​និង​មាន​ការដាក់​​បង្ហាញ​​ទ័ព​សេះ ​ទ័ព​ថ្មើ​ជើង ​​​​​​​​តាំងនូវ​​កំាភ្លើង​​ធំ ​ក៏​ដូច​ជា​​​អាវុធយុទ្ធភ័ណ្ឌ​ និង​​សម្ភារៈ​សម្រាប់​ថត​ក្នុង​រឿង​នេះ ​​​​​​​​យ៉ាង​ច្រើន​ស្កេកស្កះ ធ្វើ​​ឲ្យ​មាន​ការ​ចាប់​អារម្មណ៍​​​​​​​​ពី​អ្នក​ចូល​រួម​។ ​ទីតាំង​នោះ ត្រូវ​គេ​អះ​អាង​ថាមិន​ខុសពី​កន្លែង​​​តាំង​ពិព័រណ៌សម្ភារៈ​​​​​​​​​​ក្នុងជំនាន់​​​​ព្រះ​ស្រី​សុគន្ធ​បទ​​សោយ​រាជ្យ​នោះ​ឡើយ​។

(រូបថតដោយ​អ្នក​ស្រី​​ថុង ស៊ីវទៀង)
(រូបថតដោយ​អ្នក​ស្រី​​ថុង ស៊ីវទៀង)

​អ្នក​ស្រី​​ថុង ស៊ីវទៀង ​​ចាង​ហ្វាង​ផលិតកម្ម​​​ចក្រវាទ្ប​ពេជ្រភាយន្ត​ដែល​ត្រូវ​បាន​​​​អញ្ជើញ​​ឲ្យ​ចូល​រួមនៅ​ក្នុង​ពិធី​នេះ បាន​អះ​អាង​ថា ​​​​​​ពិធីក្រុង​ពាលីថត​​​​​​រឿង​​«​​​ឃុន​ហ្លួង​ព្រះ​ស្ដេច​កន​» ​​​​មាន​ភាព​​អស្ចារ្យ​​​​​​​ខុស​ពី​រឿង​​​​បុរាណ​ផ្សេង​ទៀត ដែល​អ្នក​ស្រី​បាន​​ជួប​។ គ្រាន់​តែ​​​សម្លៀក​បំពាក់តួនិង​កង​ទាហាន ​​ជា​ពិសេស​គឺ​​បន្ទាយទ័ព​ ​ អ្នកស្រី​យល់​ថា​​​​​ត្រូវ​​បាន​ចំណាយ​​​មិន​​តិច​​​​ជាង​ម៉ឺន​ដុល្លារ​នោះ​ឡើយ​​។ ​អ្នកស្រី​​​អះ​អាងថា​ពិធី​នោះ មាន​តារានិង​ភ្ញៀ​វកិត្តិយស​​​ចូល​​រួម​រហូត​​ដល់​​រយ​នាក់ ​ដោយ​ក្រោយ​​​​បញ្ចប់​ពិធី​​ក្រុង​ពាលី ក៏មាន​រៀប​ជា​​ក្បួន​​​​​​​​​​​ហែប្រទក្សិណ​​​​​ដោយ​​កង​ទ័ព​សេះ​​ ទ័ព​ថ្មើ​ជើង ​​​​​ក្រុម​​ឆៃ​យ៉ាំ ​​​​និង​​​ក្បួន​​ថ្មើរជើង​​របស់​តារា​សម្ដែងដែល​ត្រូវ​បាន​តុប​តែ​ខ្លួន​បែប​បុរាណ។​ លោកស្រី​អះអាង​ថា ​​​គ្រាន់​តែ​​ការ​រៀប​ចំ​​​​ពិធី​​​ទទួល​អាហារ​​ជា​ទ្រង់​ទ្រាយ​ធំក៏​​ទំនង​នឹង​​​ចាយ​អស់​ច្រើន​ផងដែរ ​សម្រាប់​​ពិធី​​បើក​ឆាក​ចេញ​ថត​នៅ​ថ្ងៃដំបូង​នោះ​។

អ្នក​ស្រី​និយាយ​ថា​​៖ “​រឿង​ហ្នឹង​មើល​ទៅ​ឡូយ​ម្មង ​ព្រោះ​​​​​​គេ​រៀប​ឆាក​ដូច​​​​​​សម័យ​បុរាណ​អញ្ចឹង គឺ​ថា​​​​​​​​​​​​​​​សម្ភារៈ សម្លៀក​​បំពាក់ ​​សេះ​និង​តួ​សម្ដែង​​ទាំង​អស់ គឺ​​អស់ទាស់​ម្មង ​​​​​ខ្ញុំ​​​​​ថា​រឿង​ហ្នឹង​គ្រាន់​តែ​​​​គឺ​ថា​​​អស់​ច្រើន​ម្មង!”។ អ្នក​ស្រី​បាន​អះ​អាង​ថា​​​​​​​​ក្រុមការងារ​របស់​​ក្រុម​ហ៊ុន​​LYP  ដែល​ជា​អ្នក​ទទួល​វិនិយោគ​ចេញ​ថត​រឿង​នេះ បាន​ប្រាប់​​អ្នក​ស្រី​ថា​​​នឹង​​​​​គ្រោង​ចំណាយ​​​​​ច្រើន​ជាង​​១លាន​​​​​ដុល្លារ ​​ដោយ​​​​​​​​គ្រាន់​តែ​​​​ការ​ចំណាយ​​​​​​​រាយ​រង​​​​​​​​​​មុន​ពេល​ចេញ​ថត​នោះ ​​អស់​ប្រមាណ​​​​ជាង​១០ម៉ឺន​ដុល្លារ​ទៅ​ហើយ​។ អ្នក​ស្រី​មាន​ប្រសាសន៍​ថា៖ “​​រឿង​ហ្នឹង​គេ​ប្រាប់​ខ្ញុំ​​​ថា​​ត្រៀម​​​​យ៉ាង​តិច​​​​១លាន​ ហើយ​ខ្ញុំ​មើល​ទៅ​អស់​មែន​ហើយ ព្រោះ​​​រឿង​ហ្នឹង​គ្រាន់តែចំណាយ​សិក្សា និង​រៀប​ចំ​ស្ទីឌីយោ​អី​ហ្នឹង ក៏ខ្ទង់​ម៉ឺន​(ដុល្លារ)ដែរ ​​ជាក់ស្ដែង​ខ្ញុំ​​ទៅ​ក្នុងថ្ងៃ​​​​​​ក្រុង​ពាលី​ហ្នឹង​គឺ​​ខាង​ផលិត​ករ​ប្រាប់​ខ្ញុំ​ថា​​​​​​គ្រាន់តែ​កាម៉េរ៉ា ​​​​​​ទិញ​អស់​ឡើង​​​​១៥ម៉ឺន​ដុល្លារ​!”។ ​

លោក​ ម៉ៅ អាយុទ្ធ ជា​អ្នក​ដំឡើង​​​រឿង​​«​ឃុន​ហ្លួង​ព្រះ​ស្ដេច​កន​» បាន​​​​​​​​​អះ​អាង​ថារឿង​​​​​​នេះ​ពិត​ជា​​​​ចំណាយ​​​អស់​ច្រើន​​​​​ ​ប៉ុន្តែ​លោក​ថា​​មិន​ហ៊ាន​អះ​អាង​ថា​​​១លាន​ដុល្លារឬ​​ប៉ុន្មាន​​ឲ្យ​ច្បាស់​នោះទេ។ លោក​និយាយ​ថា​​​៖ “​​រឿង​ហ្នឹងខ្ញុំ​អត់​ដឹង​ថា​អស់​មួយ​លានឬ​​​​​ប៉ុន្មាន​ម៉ឺន​​កើតទេ ​គឺ​ទាល់​តែ​​​​​​ថត​ចប់បាន​ដឹង​!”​។ យ៉ាង​ណា​ក៏​ដោយលោកធ្លាប់​ព្រលយ​ថា​​ការ​ចំណាយ​ដល់​ខ្ទង់​មួយ​លាន​ដុល្លារ ឬ​លើស​ពី​ហ្នឹង​​​  ​​គឺវា​​​មិន​ចម្លែកនោះ​ទេ ដោយ​សា​រ​តែ​ការ​​​​​ផលិត​រឿង​បែប​ប្រវត្តិសាស្រ្ត​បែបនេះ គឺ​​វា​គួរ​តែ​​​​អស់​ដល់កម្រិត​ណា ទើប​អាច​ទទួល​បាន​គុណភាព​​​​​​​១០០%។ ​

កីឡាករ​​​​​​កាយវប្បកម្ម​លោក ​រស់ សុភ័ណ្ឌ(រូបថតពីហ្វេសប៊ុក​របស់​លោក​)

ដក​ស្រង់​​​​​បទ​សម្ភាសន៍​​​ក្នុង​ពេល​​​​​​​បញ្ជាក់​​ប្រាប់​កាល​ពី​​លើក​មុន លោក​និយាយ​ថា៖ “​​​​រឿង​ហ្នឹង​​គឺ​​LYP ​នឹង​ធ្វើ​​​ឲ្យ​ល្អ​ឥត​ខ្ចោះ អញ្ចឹង​​​រឿង​វា​កំណត់​អត់​បាន​ទេ ​​​​​​ម្យ៉ាង​​រឿង​ប្រវត្តិ​សាស្រ្តធំ​អញ្ចឹង គឺបើ​​១​លាន​ដុល្លារ​អី​​ក៏​​​​​​​​​​​​​មិន​ច្រើន​អី​ដែរ ​ព្រោះ​​រឿង​​ហ្នឹង​​ស្អី​ក៏ធ្វើ​ថ្មី​ទាំង​អស់ មិន​មែន​ដូច​រឿង​​​សម័យ​​​ដែល​ត្រូវ​ចំណាយ​តែ​ថ្លៃ​តួ ​​និង​​​ក្រុម​អ្នក​ផលិត​នោះទេ​!”​។ លោក​ម៉ៅ អាយុទ្ធ ​​បញ្ជាក់​ថា​​​រឿង​​ស្ដេច​កននឹង​ចេញ​ថត​​​​​នៅ​បន្ទាយ​ដែល​បាន​សាង​សង់​នៅ​​​​​ភ្នំតាម៉ៅ​ ​​​ បន្ត​បន្ទាប់​​ទើប​ចេញ​ទៅ​ថត​​នៅ​ខេត្ត​សៀម​រាប ​ខេត្ត​កំពង់ចាមនិង​នៅ​​​ស្រុក​កៀន​​ស្វាយ ដោយ​ទីតាំង​ទាំង​នោះ នឹង​ត្រូវ​​​​​​​​​រៀប​​​​​​ចំ​​​​​​​ជា​បន្ទាយ ​ជា​​​​​ភូមិ​​អ្នក​ស្រុកនិង​ជា​​​​​​​​​​ទេសភាព ឲ្យ​ដូចពិត​​ៗ​​​​​នៅ​សម័យ​បុរាណ​ក្នុងជំនាន់​​​​​ព្រះ​បាទ​ស្រី​សុគន្ធ​បទ ទើប​​ការ​ចំណាយ​មិន​អាច​កំណត់​។ ​លោក​ធ្លាប់​​បញ្ជាក់​ថាតួ​អង្គ​នៅ​ក្នុង​មួយ​រឿង​នេះ ​​​មាន​​ដល់​​រាប់​រយ​តួ ក្នុង​នោះ​សូម្បី​តែ​សេះ​​ធំ​ៗ​ក៏​​ប្រើ​ដល់​​​​១៦​ក្បាល​សម្រាប់​សេះ​​​​​ដែល​បាន​​បង្វឹក​រួចរាល់ មិន​ទាន់​​​​​គិត​ដល់​សេះ​​​​​​​​​​​​​​​​​​​រាយ​រង​​​ជាច្រើន​ទៀត ដែល​​​​ប្រើ​សម្រាប់​​​​​​​ថត​ឈុត​សង្គ្រាម​។

តួ​អង្គ​សំខាន់​នៅ​ក្នុង​រឿង​នេះ គឺ​​លោក​ទេព រិន្ទដារ៉ូ សម្ដែង​ជា​​អង្គ​ព្រះ​ស្រី​សុគន្ធ​បទ ​និង​​​​​លោក​​​​​​​​រស់ សុភ័ណ្ឌ ​​​ជា​កីឡាករ​ផ្នែក​កាយវប្បកម្ម​ត្រូវសម្ដែង​ជា​​តួ​អង្គ​ព្រះ​ស្ដេច​កន។

គួរ​បញ្ជាក់​ផងដែរ ​រឿងស្ដេច​កន ​​​នឹង​​​និយាយ​ត្រឹម​​​​ប្រវត្តិ​របស់​នាយកន​តាំង​ពី​ចាប់​កំណើត​រហូត​​​​​​ដល់​​បាន​ក្លាយ​ជា​ស្ដេច​សោយ​រាជ្យប៉ុណ្ណោះ  ដោយ​មិន​បាន​​​ឆ្លុះ​បញ្ចាំង​ដល់​​​​​​ឆាក​សង្គ្រាម​​​​ជា​មួយ​​ព្រះបាទ​ច័ន្ទ​រាជា​នោះ​ឡើយ​៕

សរសេរមកកាន់លោក វង្ស សុម៉ាលីន តាមរយៈvongsomalin@yahoo.com


Tags:

6234

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
នី មុន្នីនាថ ដំឡើងតម្លៃខ្លួនដាច់ឆ្ងាយពីឆ្នាំចាស់

ថ្ងៃទី15 កុម្ភៈ 2016, 11:10 AM

នៅដើមឆ្នាំ២០១៦នេះ គេកត់សម្គាល់ថាទីផ្សារចេញសម្ដែងរបស់កញ្ញា នី មុន្នីនាថ រួមតូចជាងមុន បើធៀបនឹងរយៈពេលដូចគ្នាកាលដើមឆ្នាំ២០១៥។ មកទល់ពេលនេះ កញ្ញាទើបតែមានការសម្ដែងមួយរឿងប៉ុណ្ណោះ ប៉ុន្តែសាមីខ្លួនបានអះអាងថា ហេតុផលនៃការធ្លាក់ចុះគឺដោយសារកញ្ញាបានប្រកាសដំឡើងតម្លៃខ្លួនដាច់ឆ្ងាយពីឆ្នាំចាស់ និងដោយសារកញ្ញាចាប់ផ្ដើមរឹតត្បិតការទទួលសម្ដែងទៅវិញទេ។  កញ្ញា នី មុន្នីនាថ បានថ្លែងឲ្យដឹងថា កាលពីដើមឆ្នាំ២០១៥ កញ្ញាបានទទួលសម្ដែងរឿងយ៉ាងហោចពី៣ទៅ៤រឿងក្នុងពេលតែមួយ។ ប៉ុន្តែសម្រាប់ពេលនេះ កញ្ញាទើបតែមានមួយរឿងក្នុងដៃប៉ុណ្ណោះ គឺរឿង «ភ្លើងស្នេហ៍ភ្លើងឫស្យា» ដែលជារឿងភាគលើកដំបូងរបស់ប៉ុស្ដិ៍លេខ៥ ដែលត្រូវបានផលិតករថៃចុះមកចាត់ចែងដឹកនាំ។ កញ្ញាបញ្ជាក់ថា សន្ទុះឡើងកូដនៃតារាថ្មីគឺជាចលករដែលរុញឲ្យកញ្ញាតូចចង្អៀតទីផ្សារ ប៉ុន្តែកញ្ញាថាស្ថានភាពធ្លាក់ចុះគឺសំដៅតែលើការងារសិល្បៈដែលមានតម្លៃតូចៗប៉ុណ្ណោះ ហើយចំពោះការសម្ដែងធំៗគឺកញ្ញានៅតែរំពឹងខ្ពស់ថាមិនជ្រុះបាត់ឡើយ។ កញ្ញាបញ្ជាក់ថា ហេតុផលនៃការធ្លាក់ចុះទី១ដោយសារតែក្នុងឆ្នាំ២០១៦នេះ ផលិតករនៅប៉ុស្ដិ៍លេខ៥បានតម្រូវឲ្យកញ្ញាផ្ដល់៥ថ្ងៃពេញ ដើម្បីចុះថតរឿង និងទី២ គឺដោយសារតែសម្រេចដាក់ចេញនូវតម្លៃចេញថតថ្មី ដែលកញ្ញាថាខ្ពស់ជាងមុនដាច់ឆ្ងាយតែម្ដង។ នី មុន្នីនាថ បញ្ជាក់ថា៖ “ចំពោះ[ចំនួននៃ]ការសម្ដែងខ្ញុំយល់ថាខ្លួនឯងធ្លាក់ចុះមែន ប៉ុន្តែចំណូលគឺដូចតែមុនដែរទេ ព្រោះតម្លៃទទួលចេញថតរបស់ខ្ញុំក្នុង[ពេល]នេះ និយាយទៅគឺឡើងជាងមុនខ្លាំង​"។ កញ្ញាថា តម្លៃចេញថតត្រូវបានដំឡើងក្រោយពីមានការកំណត់ឲ្យផលិតភាពយន្តខ្មែរដាក់បញ្ចាំងក្នុងម៉ោងមាស ដោយថាតម្លៃដែលកញ្ញាដាក់ចេញទៅកាន់ផលិតករគឺបានស្មើនឹងតម្លៃចេញថតរបស់តារារៀមច្បងដូចជាលោកជាលោក ទេព រិន្ទដារ៉ូ បើទោះជាការដំឡើងថ្លៃនេះ ធ្វើឲ្យនាងជ្រុះបាត់ការសម្ដែងខ្លះ ដែលគេមិនហ៊ានដល់ថ្លៃដែលនាងកំណត់។  កញ្ញាបន្ថែមថា៖ “ឥឡូវហ្នឹងខ្ញុំដាក់តម្លៃស្មើនឹងរៀមច្បងៗ ដូចជាលោកពូ ទេព រិន្ទដារ៉ូ អីដែរ ហើយខ្ញុំគិតថាបើអ្នកណាចង់បានយើងគឺគាត់ហ៊ានទៅ ព្រោះបើនៅតែថតតម្លៃចាស់ មិនគ្រប់ទិញសម្លៀកបំពាក់អីទេ ដោយសារតែឥវ៉ាន់តែងខ្លួនឥឡូវថ្លៃៗ ម្យ៉ាងតម្លៃដែលខ្ញុំដំឡើងហ្នឹង ខ្ញុំថាអត់មានហួសហេតុទេ ព្រោះនៅខាងផលិតករធំៗនៅតែទទួលយកបាន”។ កញ្ញាបដិសេធបញ្ជាក់ឲ្យដឹងពីតម្លៃដែលខ្លួនបានដំឡើង ប៉ុន្តែយោងតាមការបញ្ជាក់ពីក្រុមផលិតករគឺកញ្ញា នី មុន្នីនាថ បានដំឡើងពីការទទួលថតក្នុងមួយថ្ងៃ៨០ដុល្លារទៅ១០០ដុល្លារកាលពីឆ្នាំ២០១៥ មកដល់រង្វង់ពី២០០ទៅ៣០០ដុល្លារក្នុងមួយថ្ងៃ ស្មើនឹងតម្លៃខ្លួនរបស់លោក ទេព រិន្ទដារ៉ា ឬនៅក្រោមនេះអាស្រ័យលើការចរចា។ យ៉ាងណាក៏ដោយ កញ្ញាបានអះអាងថា ការសម្ដែងតួឯកមួយរឿង ផលិតករខ្មែរយ៉ាងច្រើនកំណត់ឲ្យថតមិនលើសពីរយៈពេល១០ថ្ងៃនោះទេ ទើបកញ្ញាថា ការដំឡើងតម្លៃថ្មីក៏មិនមានន័យថាថតមួយរឿងបានប្រាក់ច្រើនពាន់ដុល្លារនោះដែរ។  តារាសម្ដែងល្បីឈ្មោះរូបនេះបន្តថា កញ្ញាមិនបារម្ភខ្លាចបាត់បង់ទីផ្សារក្រោយពីការដំឡើងតម្លៃនេះឡើយ ដោយអះអាងថា តម្លៃដែលនាងទទួលបានគឺសមចំពោះនឹងកេរ្តិ៍ឈ្មោះរបស់នាង ហើយក៏ជាតម្លៃដែលម្ចាស់ផលិតកម្មគួរតែផ្ដល់ឲ្យ។ តារារូបនេះនិយាយថា៖ “ខ្ញុំអត់គិតថាការដំឡើងថ្លៃទៅគេឈប់ហៅថតអីទេ ព្រោះអ្នកចង់បានគេនៅតែយកអ៊ីចឹង។ ម្យ៉ាងតារាយើងបើមិនកំណត់ថ្លៃទេ គឺគេឲ្យតែប៉ុណ្ណឹង(តម្លៃដដែលៗ)។ អ៊ីចឹងខ្ញុំថានេះជាអ្វីដែលល្អទៅវិញទេដែលខ្ញុំសុខចិត្តដាក់តម្លៃខ្ពស់ ដើម្បីជម្រុះការសម្ដែងរាយរង”។ កញ្ញាបញ្ជាក់ថា ការទទួលបានការងារតិច ប៉ុន្តែបានតម្លៃល្អគឺជារឿងប្រសើរទៅវិញទេ សម្រាប់ឱកាសទទួលបានការសម្ដែងធំៗ ឬល្អៗនៅក្នុងវិស័យសម្ដែងសិល្បៈ។ កញ្ញាបញ្ជាក់ដដែលជាដដែលថា  តម្លៃចេញថតរបស់ខ្លួននៅក្នុងរយៈពេលនេះទទួលបានកម្រៃប្រហាក់ប្រហែលនឹងតារារៀមច្បងធំៗនៅក្នុងសិល្បៈ ដោយក្នុងនោះគឺបានតម្លៃខ្ពស់ស្មើនឹងលោក ទេព រិន្ទដារ៉ូ ដូចគ្នា ដែលកញ្ញាចាត់ទុកថានេះជាការវិវត្តន៍ដែលនាងចង់បានសម្រាប់ជំហានក្នុងសិល្បៈ។ នី មុន្នីនាថ មានគម្រោងចេញថតរឿងភាគខ្នាតធំនៅអំឡុងខែមេសា ក្រោយចូលឆ្នាំខ្មែរ បន្ទាប់ពីថតចប់រឿង «ភ្លើងស្នេហ៍ភ្លើងឫស្យា» របស់ប៉ុស្ដិ៍លេខ៥ ដែលកញ្ញាទទួលស្គាល់ថាការកំណត់តម្លៃថ្មីគឺមិនអាចឲ្យនាងកញ្ឆក់បានរឿងច្រើនស្មើនឹងឆ្នាំ២០១៥ដែលឈានដល់ជិត១០រឿងនោះបានទេ។  លោក វង្ស ពិសិដ្ឋ ផលិតករភាពយន្តបានអះអាងថា ការដំឡើងតម្លៃខ្លួនរបស់ នី មុន្នីនាថ មិនមែនជារឿងចម្លែកនោះទេ ដោយលោកថា តារាភាគច្រើនក៏បានដំឡើងថ្លៃឈានដល់មួយថ្ងៃពី៨០ទៅជាង១០០ដុល្លារសម្រាប់ការថតដូចគ្នា ប៉ុន្តែក៏មានតារាមិនតិចនោះដែរដែលលោកថានៅទទួលថតក្នុងមួយថ្ងៃរង្វង់៥០ដុល្លារ។ លោកបន្តថានៅក្នុងសិល្បៈ មានតារាសិល្បៈតិចគ្នាប៉ុណ្ណោះដែលហ៊ានដាក់តម្លៃស្មើនឹងលោកទេព រិន្ទដារ៉ូ ហើយទទួលបានទីផ្សារចាប់អារម្មណ៍។ យ៉ាងណាក៏ដោយ លោកយល់ថា តម្លៃចន្លោះ២០០ទៅ៣០០ដុល្លារក្នុងមួយថ្ងៃរបស់តារាខ្មែរនៅមិនទាន់ល្អនៅឡើយទេ បើធៀបនឹងតារាបរទេស ឬតារានៅប្រទេសជិតខាងកម្ពុជា៕ សរសេរមកលោក វង្ស សុម៉ាលីន តាមរយៈ vongsomalin@yahoo.com  

ផលិតកម្ម BKS ប្រកាសផ្ដល់ការងារដល់អ្នកស្រឡាញ់សិល្បៈដោយមិនរើសអើង

ថ្ងៃទី12 កុម្ភៈ 2016, 09:10 AM

ផលិតកររបស់ផលិតកម្មភាពយន្តBKS ដែលត្រូវគេស្គាល់ថាជាផលិតកម្មថ្មីផលិតចម្រៀងមិនចម្លងពីគេ និងកំពុងវាយលុកខ្លាំងក្លាលើការផលិតភាពយន្តផងនោះបានប្រកាសកាលពីថ្ងៃទី១១ ខែកុម្ភៈថា ផលិតកម្មនឹងបើកឱកាសផ្ដល់ការងារឲ្យយុវវ័យគ្រប់រូបធ្វើដោយមិនមានការរើសអើងនោះទេ ឲ្យតែយុវវ័យទាំងនោះមានសមត្ថភាពខាងផ្នែកសម្ដែង-ច្រៀង ហើយក្លាហានទាក់ទងមកកាន់ផលិតកម្មដោយផ្ទាល់។ ជាមួយនឹងការប្រកាសដ៏គួរឲ្យចាប់អារម្មណ៍នេះ គេឃើញខ្សែរឿងទី២ក្រោមចំណងជើងថា «អាស៊ុយទ្រីស្មោះស្នេហ៍» ដែលទើបក្រុងពាលីចេញថតក៏មានវត្តមានតារាថ្មីៗច្រើននាក់ដែលត្រូវគេអះអាងថាមិនមានខ្សែទុយោបក្សពួកផងដែរ។  លោក ឈុន សុវណ្ណភក្តី ចាងហ្វាងផលិតកម្មBKS  និងជាអ្នកនិពន្ធបទចម្រៀងប្រចាំនៅក្នុងផលិតនេះបានអះអាងថា  យុវវ័យគ្រប់រូបឲ្យតែមានសមត្ថភាព ហើយហ៊ានទៅជួបជាមួយក្រុមការងារបស់លោក ឬផលិតកម្មដោយផ្ទាល់គឺលោកនឹងទទួលយកឲ្យសម្ដែង ឬបានច្រៀងតាមដែលអាចធ្វើទៅបាន។ លោកទទូចឲ្យអ្នកមានទឹកចិត្តស្រឡាញ់សិល្បៈទាំងអស់ដែលគ្មានឱកាសបានបញ្ចេញសមត្ថភាពទទួលយកការបើកច្រករបស់ផលិតកម្មBKS  ដើម្បីបានក្លាយជាតារាសិល្បៈដូចតារាទាំងពួង។ លោក ឈុន សុវណ្ណភក្ដី មានប្រសាសន៍ថា៖ “អ្នកស្រឡាញ់សិល្បៈទាំងអស់ឲ្យតែច្បាស់ថាខ្លួនឯងចេះច្រៀង ចេះសម្ដែង មករកBKS ចុះ ខ្ញុំផ្ដល់ឱកាសឲ្យ  អត់គិតថាអ្នកហ្នឹងថ្មីអីទេ ព្រោះខ្ញុំចង់លើកទឹកចិត្តអ្នកស្រឡាញ់សិល្បៈ»។ លោកថា នៅក្នុងផលិតកម្មរបស់លោក ថ្វីដ្បិតតែដំណើរការក្រោយគេបើធៀបនឹងផលិតកម្មធំៗ ប៉ុន្តែចំពោះសកម្មភាពផលិតកុន និងការផលិតចម្រៀងគឺមានសកម្មភាពមមាញឹកមិនចាញ់ផលិតកម្មផ្សេងនោះទេ។ លោកបន្តថា ជាក់ស្ដែងផលិតកម្មផលិតបានចម្រៀងមិនចម្លងពីគេបាន៣០បទហើយ ដោយក្នុងវិស័យភាពយន្តក៏បានចំនួន២រឿងគឺរឿង «ដៃគូកម្ចាត់ខ្មោច» ដែលទើបនឹងថតចប់ និងរឿងទី២ «អាស៊ុយទ្រីស្មោះស្នេហ៍» ដែលទើបនឹងក្រុងពាលីកាលពីថ្ងៃទី១១ ខែកុម្ភៈ។ តួសម្ដែង​ក្នុង​រឿង «អាស៊ុយទ្រីស្មោះស្នេហ៍» (រូបភាព៖ វង្ស សុម៉ាលីន) ចាងហ្វាងរូបនេះបន្តថា ផលិតកម្មកំពុងបង្កើនក្រុមការងារផលិត និងបញ្ជាទិញឧបករណ៍ផលិតកុនជាច្រើនទៀតដើម្បីចេញថតរឿងភាគដាក់បញ្ចាំងនៅលើកញ្ចក់ទូរទស្សន៍ ទើបលោកថា ការទទួលតារាថ្មីឲ្យមកបញ្ចេញសមត្ថភាពគឺទោះជាច្រើននាក់ប៉ុណ្ណាក៏មិនអត់ការងារឲ្យយុវវ័យទាំងនោះធ្វើដែរ។ លោកបន្ថែមថា៖ “ខ្ញុំបើកផលិតកម្មBKS ព្រោះតែខ្ញុំស្រឡាញ់សិល្បៈ ហើយជាគោលការណ៍យើងមានសកម្មភាពថតកុនច្រើនទៀត អ៊ីចឹងឲ្យតែពួកគាត់(យុវវ័យ)គិតថាខ្លួនឯងសម្ដែងបានច្រៀងបាន មករកខ្ញុំចុះ ខ្ញុំនឹងផ្ដល់ការងារឲ្យពួកគាត់  គឺអត់មានរើសអើងអីទេ ហើយយើងផ្ដល់ឲ្យគាត់ដោយគ្មានលក្ខខណ្ឌអ្វីទេ គាត់មានសមត្ថភាពអីយើងរុញគាត់ទៅហ្នឹង”។ មិនខុសពីការប្រកាសឡើង គេឃើញខ្សែរឿង «អាស៊ុយទ្រីស្មោះស្នេហ៍» មានការដាក់បញ្ចូលនូវតារាក្មេងៗស្អាតៗមួយចំនួនធំ បើទោះជាមានតារាចាស់ៗយ៉ាងស្អេកស្កះនៅថ្ងៃក្រុងពាលីនោះទៅហើយ។ លោក ឈុន សុវណ្ណភក្តី បញ្ជាក់ថា តួអង្គនៅក្នុងរឿងនេះមានគ្នាសរុបប្រមាណជាជាង១០០នាក់ ក្រៅពីតួល្បីៗដែលត្រូវជ្រើសមកសម្ដែងជាតួធំៗ គឺតួក្មេងដែលលោកជ្រើសចេញពីការមកទាក់ទងដោយផ្ទាល់ពីសំណាក់យុវវ័យក៏មានចំនួនច្រើនដែរ។ លោកថាក្នុងរឿង «អាស៊ុយទ្រីស្មោះស្នេហ៍» លោកជ្រើសយកតួថ្មីច្រើន ដើម្បីផ្ដល់ឱកាសឲ្យពួកគេ ប៉ុន្តែលោកថា អ្វីៗនឹងមិនមានបញ្ហានោះទេ ដោយសារតែលោកជ្រើសយកអ្នកផលិតសុទ្ធតែជំនាញ ហើយវត្តមានរបស់តារាចាស់ក៏នឹងជួយសណ្ដោងខ្សែទាំងមូលឲ្យទទួលការចាប់អារម្មណ៍។  ផលិតកររឿង «អាស៊ុយទ្រីស្មោះស្នេហ៍» លោក វង្ស ពិសិដ្ឋ ដែលត្រូវគេស្គាល់ថាមានបទពិសោធន៍ផលិតភាពយន្តជាច្រើនរឿងបានអះអាងថា ការប្រកាសបើកច្រកឲ្យយុវវ័យដែលគ្មានខ្សែទុយោបានចូលសម្ដែង ឬបានចូលច្រៀងគឺជាគំរូល្អមួយសម្រាប់ផលិតកម្មទូទៅនៅក្នុងប្រទេសកម្ពុជា។ លោកថា ការប្រកាសរបស់លោកឈុន សុវណ្ណភក្ដី គឺមិនមែនជាបំប៉ោងដើម្បីឲ្យមានការចាប់អារម្មណ៍នោះទេដោយលោកថា ពេលកន្លងមកមានតារាថ្មីៗច្រើននាក់មកហើយត្រូវបានជ្រើសយកដោយមិនមានលក្ខខណ្ឌឬចាំបាច់មានខ្សែទុយោណែនាំនោះឡើយ។ ជាក់ស្ដែងក្នុងរឿង«អាស៊ុយទ្រីស្មោះស្នេហ៍»លោកថាតារាថ្មីៗគឺមានវត្តមានមួយចំនួនជាភស្ដុតាងស្រាប់។ លោកនៅតែរំពឹងពីភាពជោគជ័យ បើទោះជាសារភាពការដាក់បញ្ចូលតារាក្មេងៗថ្មីច្រើនពេកគឺអាចធ្វើឲ្យការដឹកនាំសម្ដែងរបស់លោកមានភាពស្មុគស្មាញបន្តិច។ លោក វង្ស ពិសិដ្ឋ បន្តថា ក្ដីសង្ឃឹមទាំងនោះគឺដោយសារតែផលិតកម្មហ៊ានបោះទុនចំណាយខ្ពស់ និងមានតារាល្បីឈ្មោះច្រើនចូលសម្ដែងសណ្ដោងតួថ្មី។ ម្យ៉ាងមកពីរឿងទាំងមូលរំលេចពីស្នេហារបស់កំលោះក្រមុំកូនកាត់ចិន និងពោរពេញដោយភាពកំប្លុកកំប្លែង និងខ្មោចភ័យរន្ធត់លាយឡំនោះផងទើបមានការរំពឹងច្រើន៕  សរសេរមកលោក វង្ស សុម៉ាលីន តាមរយៈ vongsomalin@yahoo.com  

ផលិតករថៃចាប់​ផ្ដើម​ថត​រឿង​ទី​២​សម្រាប់​ប៉ុស្តិ៍​លេខ​៥

ថ្ងៃទី4 កុម្ភៈ 2016, 03:05 PM

កាលពីថ្ងៃទី៣ ខែកុម្ភៈ ស្ថានីយទូរទស្សន៍ប៉ុស្ដិ៍លេខ៥ បានដំណើរការចេញថតរឿងទី២របស់ខ្លួនទៀត ក្រោមចំណងជើងថា «វាលស្រែ ស្នេហ៍ខ្ញុំ» បន្ទាប់ពីក្រុមផលិតករថៃក្រុមទី១ ទើបនឹងចេញថតរឿង «ភ្លើងស្នេហ៍ភ្លើងឫស្យា» សម្ដែងដោយកញ្ញា នី មុន្នីនាថ ទើបតែបានប៉ុន្មានថ្ងៃ។ តួអង្គឯកនៅក្នុងរឿងថ្មីនេះគឺលោក ណាខុន ដែលជាតារាចម្រៀងមួយរូប និងកញ្ញា ម៉ុន ផលចរិយា និស្សិតឆ្នាំទី៣ផ្នែកហិរញ្ញវត្ថុ ដែលត្រូវគេស្គាល់ក្នុងឈុតខារ៉ាអូខេ និងបទចម្រៀងរបស់ផលិតកម្មមួយចំនួននាពេលចុងក្រោយ។  លោក ណាខុន ដែលត្រូវបានផលិតករថៃជ្រើសជាតួឯកក្នុងរឿងថ្មីនេះបានអះអាងថា នេះជាលើកទី១ហើយដែលលោកត្រូវបានគេជ្រើសឲ្យសម្ដែងជាអង្គឯកក្នុងរឿងភាគរបស់ប៉ុស្ដិ៍លេខ៥ ដោយលោកថា ការសម្ដែងរឿងនេះ លោកហាក់ទទួលបានទំនុកចិត្តខ្ពស់ខុសពីរឿងមុនៗ ដោយសារតែរឿង «វាលស្រែស្នេហ៍ខ្ញុំ» ជារឿងទី២របស់ប៉ុស្ដិ៍លេខ៥ ចេញផលិតដោយអ្នកជំនាញកុនមកពីប្រទេសថៃ។ លោកត្រូវគេឲ្យសម្ដែងជាតួអង្គអ្នកជនបទក្នុងជំនាន់ទសវត្សរ៍ឆ្នាំ៨០ និង៩០ ដោយការតុបតែងខ្លួនរបស់លោក ក៏ដូចជាតួអង្គក្នុងរឿងតាមទម្លាប់របស់អ្នកស្រុកស្រែនៅខេត្តបាត់ដំបង។ លោកនិយាយថា នៅក្នុងរឿងនេះ លោកត្រូវបានផលិតករថៃ និងប៉ុស្ដិ៍លេខ៥ ធ្វើការសម្ភាសន៍ជាច្រើនដំណាក់កាល មុនពេលដែលខាងផលិតករថៃផ្ដល់ឲ្យលោកនូវតំណែងជាតួអង្គឯក។ លោកបន្តថា៖ “ខ្ញុំធ្លាប់សម្ដែងច្រើន ប៉ុន្តែនៅក្នុងរឿងហ្នឹងទម្រាំបានសម្ដែងគឺខាងគាត់ធ្វើតេស្ដខ្ញុំច្រើន”។ លោកបានបង្ហាញអារម្មណ៍សប្បាយចិត្តដោយសារតែក្នុងរឿងនោះ គឺលោកត្រូវបានផលិតករថៃដែលសុទ្ធតែជាអ្នកជំនាញផ្នែកកុនធ្វើការបង្ហាត់បង្ហាញតាំងពីក្នុងដំណាក់ពន្យល់សាច់រឿងម្ល៉េះ មុននឹងឈានដល់ថ្ងៃចេញថតក្នុងថ្ងៃធ្វើពិធីក្រុងពាលីនៅសណ្ឋាគារសូហ្វីតែលភ្នំពេញនោះ។  លោកថា ខ្សែរឿងមួយនេះ គ្រោងថតរយៈពេល២ខែ ដោយតួអង្គសំខាន់នៅក្នុងផ្ទៃរឿង សុទ្ធតែជាតួអង្គដែលមានឈ្មោះបោះសំឡេងទាំងអស់ ហើយការដឹកនាំសម្ដែងគឺភាគីថៃជាអ្នកចាត់ចែងទាំងស្រុង។ លោក ណាខុន បន្ថែមថា នេះជាលើកទី១ហើយដែលលោកបានសម្ដែងជាតួអង្គស្រុកស្រែ ហើយត្រូវគេឲ្យតុបតែងដូចគ្នានឹងអ្នកនៅខេត្តបាត់ដំបង ដែលលោកថាការតុបតែងខ្លួនបែបនោះត្រូវបានមនុស្សភាគច្រើនយល់ថាជាការចម្លងតាមថៃ តែតាមការពិតគឺជាប្រពៃណីរបស់អ្នកខេត្តបាត់ដំបងនោះទេ។ លោកនិយាយថា ខ្លឹមសារស្នូលរបស់រឿងនេះ មានការឆ្លុះបញ្ចាំងពីការរស់នៅរបស់អ្នកស្រុកស្រែ ដោយក្នុងផ្ទៃរឿងក្រៅពីបង្ហាញពីស្នេហារបស់អ្នករស់នៅស្រុកស្រែក្នុងជំនាន់ទសវត្សរ៍ឆ្នាំ៨០ និង៩០ហើយ ក៏បង្ហាញពីរបៀបរស់នៅរបស់អ្នកស្រែ និងពីរបៀបធ្វើស្រែរបស់ពលរដ្ឋខ្មែរ ដើម្បីបង្ហាញឲ្យសាធារណជនបានឃើញជាទូទៅថាទម្រាំតែអាចផលិតបានជាស្រូវ ជាអង្ករ គឺកសិករម្នាក់ៗមានការតស៊ូប្ដូរដោយញើសឈាមសម្បើមណាស់។ ទោះយ៉ាងណា លោកថាឈុតឆាកនៅក្នុងរឿងទាំងមូលក៏បង្ហាញពីការកាច់កុង និងល្បិចកិច្ចកល់របស់តួអង្គផ្សេងៗ ដើម្បីអប់រំឲ្យស្គាល់ទង្វើអាក្រក់របស់មនុស្សនៅក្នុងសង្គមផងដែរ។ តួសម្ដែង​​នៅ​ក្នុង​រឿង «វាលស្រែ ស្នេហ៍ខ្ញុំ» (រូបភាព៖ វង្ស សុម៉ាលីន) លោក ស៊ិន សុផាត អគ្គនាយកទទួលបន្ទុកផលិតកម្មវិធីនៅប៉ុស្ដិ៍លេខ៥ ទទួលស្គាល់ថា ខ្សែរឿង «វាលស្រែស្នេហ៍ខ្ញុំ» គឺប៉ុស្ដិ៍លេខ៥បានទិញឆ្អឹងរឿងមកពីផលិតករថៃ ដើម្បីឲ្យតារាខ្មែរបានថតតាមលំនាំទុកសម្រាប់ដាក់បញ្ចាំងក្នុងពេលដ៏ខ្លី។ យ៉ាងណាក៏ដោយ លោកថាលំនាំរឿងទាំងមូលមិនធ្វើឲ្យដូចគ្នានឹងវប្បធម៌ថៃនោះទេ ដោយក្រុមការងារបានសម្រេចកែប្រែទាំងអស់ និងបានកាឡៃរឿងនោះ ឲ្យស្ដែងពីជីវភាពរស់នៅរបស់បងប្អូនអ្នកធ្វើស្រែចម្ការរស់ក្នុងខេត្តបាត់ដំបង និងខេត្តប៉ៃលិន មុនឆ្នាំ៩០នោះវិញ។ លោកថា សូម្បីតែការតុបតែងខ្លួន និងម៉ូដសក់ថ្វីដ្បិតតែមើលមួយភ្លែតមានលំនាំដូចរឿងថងខ្វាវរបស់ថៃ ប៉ុន្តែការពិតទម្លាប់ស្លៀកពាក់ និងតុបតែងខ្លួនបែបនោះ ការពិតគឺក្នុងប្រទេសកម្ពុជាកើតមានយូរហើយ។ លោកនិយាយថា៖ “រឿងហ្នឹងជាឆ្អឺងរឿងរបស់ថៃ និងត្រូវដឹកនាំថតដោយថៃមែន ប៉ុន្តែខ្ញុំហ៊ាននិយាយថា យើងអត់ឲ្យធ្វើដូចថៃទេ សម្លៀកបំពាក់ក៏យើងឯកភាពគ្នាឲ្យមានលក្ខណៈខ្មែរក្នុងជំនាន់ឆ្នាំ៨០ និង៩០ ហើយសូម្បីតែពាក្យសម្ដីក៏យើងកែមកឲ្យមានទម្លាប់បែបសង្គមខ្មែរដែរ អត់មានទិញរឿងពីគេហើយធ្វើតាមគេនោះទេ”។ លោកថារឿ ង«វាលស្រែស្នេហ៍ខ្ញុំ»មានសរុបចំនួន៣០ភាគ ដោយប៉ុស្ដិ៍លេខ៥នឹងគ្រោងសុំឲ្យថៃផលិតរឿងភាគទុកឲ្យបានច្រើនថែមទៀត ដោយទុកទាំងសិទ្ធិក្នុងការជ្រើសរើសតួឲ្យភាគីថៃជាអ្នកសម្រេច។ លោក ស៊ិន សុផាត បន្តទៀតថា មន្ត្រីប៉ុស្ដិ៍លេខ៥ និងផលិតករខ្មែរបានត្រឹមតែនាំតារាខ្មែរឲ្យថៃបានឃើញប៉ុណ្ណោះ ប៉ុន្តែចំពោះការជ្រើសរើសគឺខាងថៃជាអ្នកសម្លឹងមើល អ៊ីចឹងហើយទើបលោកសរសើរថាតួអង្គទាំងអស់ដែលបានទទួលការងារនៅក្នុងរឿងនេះជាពីសេសគឺតួឯកប្រុសតួឯកស្រីគឺជាតួអង្គដែលមានស្ថិតក្នុងក្រសែភ្នែកផលិតករថៃ ទើបក្រោយការបញ្ជូនឲ្យស្គាល់ក៏ត្រូវថៃកំណត់យក។ លោករំពឹងថារឿងនេះនឹងមានលក្ខណៈប្រកួតប្រជែង ដោយសារជារឿងស្រុកស្រែក្នុងជំនាន់ទសវត្សរ៍ឆ្នាំ៨០ និង៩០ ហើយមានលក្ខណៈកំប្លែង ដែលលោកថាផលិតករភាគច្រើនកម្រមានការចាប់អារម្មណ៍៕  សរសេរមកលោក វង្ស សុម៉ាលីន តាមរយៈ vongsomalin@yahoo.com  

លី ច័ន្ទសីហា គូស្នេហ៍សុំរៀបការក្រោយវិលពីរៀន​វៀតណាម

ថ្ងៃទី3 កុម្ភៈ 2016, 09:36 AM

ថ្ងៃទី៤ ខែកុម្ភៈ ស្អែកនេះ តារាសម្ដែងល្បីឈ្មោះ លី ច័ន្ទសីហា នឹងភ្ជាប់ពាក្យផ្លូវការជាមួយសង្សារវ័យក្មេងជានិស្សិតយោធា។ យ៉ាងណាក៏ដោយ គម្រោងរៀបការនៅមិនទាន់បានកំណត់ច្បាស់លាស់នៅឡើយទេ តែឪពុក លី ច័ន្ទសីហា បានអះអាងថា ភាគីខាងប្រុសនឹងសុំឲ្យរៀបការភ្លាមៗ បន្ទាប់ពីគេរៀនចប់ទំាងស្រុងមកពីប្រទេសវៀតណាម។ លោក លី សុជុន ឪពុកកញ្ញា លី ច័ន្ទសីហា បានថ្លែងប្រាប់VOD ថា កូនលោកនៅមិនទាន់ដឹងថាតើត្រូវរៀបការពិតប្រាកដនៅថ្ងៃខែណាឆ្នាំណានោះទេ បើទោះនាង និងលោក ច័ន្ទ ថៃសេង នឹងបំពាក់ចិញ្ចៀនភ្ជាប់ពាក្យនៅថ្ងៃស្អែក។ លោកថា គម្រោងរៀបការគឺលុះត្រាតែសាមីខ្លួនទាំងពីរទំនេរគិតចេញទើបអាចកំណត់បាន។ លោកមានប្រសាសន៍ថា៖ “ភ្ជាប់ពាក្យហើយ រឿងរៀបការខ្ញុំទុកឲ្យពួកគាត់(កូនកំលោះកូនក្រមុំ)ជាអ្នកសម្រេច បើគាត់ចង់រៀបការឆាប់ក៏បាន ឬចង់ទុកមួយរយៈសិនក៏បាន ព្រោះសីហាក៏រវល់ច្រើន ហើយខាងប្រុសគ្នាក៏រៀនមិនទាន់ចប់នោះដែរ”។ យ៉ាងណាក៏ដោយ លោកថា អាពាហ៍ពិពាហ៍របស់កូនស្រីនឹងអាចកើតឡើងក្នុងឆ្នាំ២០១៦នេះ ដោយមិនដំអក់យូរនោះទេ ដោយលោកថាភាគីខាងប្រុសមានបំណងរៀបការឲ្យបានឆាប់បំផុត តាមតែអាចធ្វើទៅបាន។ លោកថា លោក ច័ន្ទ ថៃសេង អនាគតកូនប្រសារ ទើបតែមានអាយុ២៤ឆ្នាំប៉ុណ្ណោះ ហើយក៏នៅជាប់ហាត់ទាហានមិនទាន់ចប់នៅក្នុងប្រទេសវៀតណាមនោះដែរ ទើបមិនអាចគិតរឿងរៀបនៅដើមឆ្នាំ២០១៦នេះបាន បើកុំតែអ៊ីចឹងគឺពិតជាសុំរៀបការយូរហើយ។ នៅអំឡុងខែ៦ ក្នុងឆ្នាំ២០១៦នេះ លោកថា គូស្នេហ៍របស់ លី ច័ន្ទសីហា នឹងបញ្ចប់ការសិក្សាផ្នែកយោធានៅទីក្រុងហាណូយ ប្រទេសវៀតណាម ហើយក្រោយពីត្រឡប់មករស់នៅកម្ពុជាដូចដើម ទើបឈានទៅគិតរឿងរៀបការនោះកើត។ លោកបន្ថែមថា៖ “ឥឡូវហ្នឹងខ្ញុំអត់ដឹងថាពីរនាក់ហ្នឹងការពេលណាកើតទេ ប៉ុន្តែខាងប្រុសគេសុំការភ្លាមៗ បើតាមខ្ញុំគិតប្រហែលរៀនចប់ពី វៀណាមវិញ ខាងប្រុសគេសុំគិតហើយ ព្រោះកូនហ្នឹងស្រឡាញ់អាសីហាណាស់ គេអត់ទុកយូរទេ”។ លី ច័ន្ទសីហា និងគូដណ្ដឹងមុនភ្ជាប់ពាក្យ (រូបថតហ្វេសប៊ុក) លោក លី សុជន បន្តថា លី ច័ន្ទសីហា និងកូនកំលោះស្គាល់គ្នាតាមប្រព័ន្ធហ្វេសប៊ុក ប្រមាណជា៣ឆ្នាំមកហើយ ប៉ុន្តែមកពីកូនស្រីរបស់លោកមិនទាន់សិក្សាចិត្តគំនិតបានច្បាស់លាស់ ទើបមិនទាន់ឲ្យចាស់ទុំខាងប្រុសចូលស្ដី។  លោកថា ចំណងទាក់ទងរបស់ពួកគេកាន់តែស៊ីជម្រៅនៅអំឡុងមួយឆ្នាំចុងក្រោយ ដោយភាគីខាងប្រុសបាននាំចាស់ទុំមកសុំស្ដីដណ្ដឹង ហើយក៏សុំកំណត់យកថ្ងៃទី៤ កុម្ភៈស្អែកនេះ ដើម្បីភ្ជាប់ពាក្យធំ។ លោកបន្តថា ឪពុកខាងប្រុសគឺជាមន្ត្រីយោធា ហើយក៏មានស័ក្ដិយសមិនអន់នោះដែរ  ប៉ុន្តែមិនមែនដោយសារហេតុផលខាងប្រុសជាកូនអ្នកមានបុណ្យស័ក្ដិទើបលោកសម្រេចចិត្តលើកកូនស្រីឲ្យនោះទេ ពោលគឺដោយសារតែកូនរបស់លោកពេញចិត្តលក្ខណៈសម្បត្តិរបស់សាមីខ្លួនតែប៉ុណ្ណោះ។ លោក លី សុជន បន្ថែមថា៖ “កូនហ្នឹង(កូនកំលោះ) បងសីហាតែមួយឆ្នាំទេ ប៉ុន្តែគេចាស់ចិត្តចាស់គំនិត បើមិនអ៊ីចឹងអាសីហាខ្ញុំវាមិនអាចស្រឡាញ់ទេ ព្រោះអាសីហាខ្ញុំ ២៣(ឆ្នាំ)មែន ប៉ុន្តែគំនិតវាជាងមនុស្សចាស់ទៀត”។ ឪពុកតារាសម្ដែងល្បីឈ្មោះ លោកថាកូនកំលោះជាកូនមន្ត្រីយោធាសំបូរទ្រព្យ ប៉ុន្តែកូនស្រីរបស់លោកក៏ជាម្ចាស់សម្អាងការ និងជាម្ចាស់នាំចូលនូវផលិតផលថែរក្សាសម្រស់មួយរូបដែលមានមុខជំនួញផ្អាល់ខ្លួននោះដែរ។ លោកថាលី ច័ន្ទសីហា មិនមានហេតុផលណាមួយត្រូវបន្តនៅលីវ ឬត្រូវបិទបាំងស្នេហា ដើម្បីរក្សាប្រជាប្រិយភាពនៅក្នុងអាជីពសិល្បៈនោះទេ ដោយលោកថា កេរ្តិ៍ឈ្មោះរបស់នាង គឺទោះជាត្រូវប្រឹងប្រែងជាងនេះក៏នៅតែជា លី ច័ន្ទសីហា។ លោកថា៖ “ទោះជាសីហាមានប្ដីជាស្អីក៏ដោយ រឿងសិល្បៈនាងអត់ចោលទេ ប៉ុន្តែបើផលិតករភ្លេចនាង ទស្សនិកជនភ្លេចនាង កុំថាអាសីហាឆ្មើងឲ្យសោះ សម្រាប់អាសីហា រឿងបន្តឬមិនបន្តសិល្បៈ គឺអាស្រ័យលើមហាជន និងផលិតករទេ”។ លោកបញ្ជាក់យ៉ាងមុតមាំថា គូស្នេហ៍របស់នាង និងឪពុកម្ដាយខាងប្រុស ដែលជាអ្នកមានមុខមាត់  មិនបានហាមប្រាមមិនឲ្យនាងបន្តប្រឡូកសិល្បៈនោះទេ ដោយសូម្បីតែពេលដែលនាងកែកុនទម្រង់មុខ ក៏មានការឯកភាពពីគូស្នេហ៍របស់នាងនោះដែរ ដោយលោកអាចនិយាយបានថា គេពេញចិត្តនាងគ្រប់យ៉ាងមុននឹងឈានដល់ការភ្ជាប់ពាក្យដោយបើកចំហរនេះ៕  សរសេរ​មក​លោក វង្ស សុម៉ាលីន តាមរយៈ vongsomalin@yahoo.com

រឿង «ស្ទឹងស្នេហា» ប៉ុស្ដិ៍លេខ៥កំណត់ឲ្យកែសាច់រឿង

ថ្ងៃទី2 កុម្ភៈ 2016, 09:22 AM

មុនចាក់ផ្សាយរឿង «ស្ទឹងស្នេហា» នៅប៉ុស្ដិ៍លេខ៥ គេដឹងជាទូទៅថាខ្សែរឿងមួយនេះបានថតចប់សព្វគ្រប់រួចហើយ ដោយខាងផលិតកម្មបានទាំងប្រកាសពីសាច់រឿងបញ្ចប់ឲ្យមានការដឹងឮនោះផង។ ប៉ុន្តែក្នុងពេលខ្សែរឿងកាន់តែត្រូវបានគេអះអាងថាទទួលបានការចាប់អារម្មណ៍ក្រោយពីដំណើរការចាក់ផ្សាយ មន្ត្រីប៉ុស្ដិ៍លេខ៥ បានទាមទារឲ្យផលិតកររឿងនេះ កែប្រែសាច់រឿងធ្វើឲ្យផលិតករងាកមកដោះស្រាយនៅក្នុងចំណាត់ការនេះឡើងវិញ។ លោក ថៃ ប៊ុននាង អគ្គនាយករងផលិតកម្មចក្រវាទ្យពេជ្រ និងជាតួឯកនៅក្នុងរឿងនេះបានមានប្រសាសន៍ថា ខ្សែរឿង «ស្ទឹងស្នេហា» ត្រូវបានថតចប់តាំងពីមុនយកទៅលក់ឲ្យប៉ុស្ដិ៍លេខ៥ ដើម្បីទុកដាក់បញ្ចាំងម៉ោងមាសម្ល៉េះ។ ប៉ុន្តែបន្ទាប់ពីស្ថាប័ននេះទទួលទិញរឿងរួចហើយ ក៏តម្រូវឲ្យកែប្រែសាច់រឿងនៅវគ្គចុងក្រោយ និងទាមទារឲ្យផលិតកម្មផលិតរឿងបន្ថែមភាគ។ លោកថា នេះជាការចាប់អារម្មណ៍ដ៏ល្អមួយរបស់ប៉ុស្ដិ៍លេខ៥ ប៉ុន្តែក៏ធ្វើក្រុមការងារស្មុគស្មាញ និងត្រូវញាប់ដៃញាប់ជើង ព្រោះតែត្រូវត្រឡប់ទៅកែប្រែសាច់រឿង និងត្រឡប់ទៅថតរឿងនេះនៅវគ្គបន្ត ដើម្បីតម្រូវតាមប៉ុស្ដិ៍លេខ៥នោះផងដែរ។

លោក ខៀវ កាញារីទ្ធ រំឭកពីការបាត់ខ្លួនតារាសម្ដែង ខៀវ ថានវាចា ដែលជាប្អូនប្រុស

ថ្ងៃទី28 មករា 2016, 06:38 PM

រដ្ឋមន្ត្រីក្រសួងព័ត៌មានលោក ខៀវ កាញ៉ារីទ្ធ នៅថ្ងៃព្រហស្បតិ៍នេះ បានបង្ហោះសាររំឭកពីការបាត់ខ្លួនប្អូនប្រុសពៅរបស់លោកគឺតារាសម្ដែង ខៀវ ថានវាចា ដែលត្រូវគេដឹងថាជាផលិតករកុនផង និងជាតារាសម្ដែងផង និងបានបាត់ខ្លួនអស់រយៈពេល៩ឆ្នាំមកហើយ។ ការរំឭកពីការបាត់ខ្លួនតារាដែលត្រូវគេស្គាល់តាមរយៈខ្សែរឿង «ចំប៉ា៤ដើម»  នាំឲ្យមានការចាប់អារម្មណ៍ជាថ្មី ចំណែកក្រុមអ្នកសិល្បៈភាគច្រើននៅតែងឿងឆ្ងល់ពីការបាត់ខ្លួននេះ ខណៈដែលមូលហេតុចំបងនៅតែមិនទាន់រកឃើញនៅឡើយ។ សាររបស់លោក ខៀវ កាញារីទ្ធ ដែលលោកបានបង្ហោះលើទំព័រហ្វេសប៊ុកនោះមានខ្លឹមសារថា៖ “ថ្ងៃនេះជាឆ្នាំទី៩ ដែលប្អូនប្រុសពៅរបស់ខ្ញុំបានបាត់ខ្លួន តែកន្លងមកពេលអ្នកម្ដាយខ្ញុំមានជីវិត ខ្ញុំមិនដែលរំឭកពីថ្ងៃនេះទេ ព្រោះខ្ញុំមិនចង់ឃើញទឹកភ្នែករបស់អ្នកម្ដាយ។ នេះជាដំបៅដែលមានជាប់ក្នុងបេះដូងរបស់ខ្ញុំ ដែលមិនអាចរកប្អូនឃើញ តែខ្ញុំនៅតែគិតថា នៅថ្ងៃណាមួយ ខ្ញុំនឹងដឹងពីរឿងនេះ”។

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To